في ملكنا مايراود شعبنا ريبه وشكه

[صنداح الزلامي]

[poem=font=",6,black,bold,normal" bkcolor="white" bkimage="" border="double,4,red" type=1 line=0 align=center use=ex num="0,black""]
في ملكنامايراود شعبنا ريبه و شكه = والله انه مالحقنا الشك فيه وفي خوانه
اسبايب كلها من ياخذ المال ويدكه = ماسكن منصب ومدير ولابسٍٍ ثوب الخيانه
حادثة جده لها بقلوبنا غصه وحكه = كيف لاواخواننا راحوضحيا الاستهانه
كم طفلٍ من فراق امه وابوه الحزن ضكه = من يبي يجبر عزاه المحكمه ولآ الامانه
والخطيه والسبب شيك الرصيد اللي تشكه = بين ذاك وبين ذاك وعارفٍ شانك وشانه
ماعليك الا تفك الباب في الصبح وتصكه = ينهتي وقت الدوام وكل شين في مكانه
حسبنا الله فوق منهو حط للاحداث سكه = والضحية شعبنا ومقدراته ومتحانه
امتحانه بالخطايا والدروب المستشكه = فعلت ضعاف النفوس اهل الخيانه والبطانه
يصرف المليار للمشروع مايرفع بلكه = وضاع حق الشعب والمشروع والمليار وانه[/poem]

[{ أبوفيصل }]

صح لسانك ياصنداح

سلمت أناملك
ابيات روووعه تحاكي ارض الواقع والله يصلح كل حال

[جهز الهرس]

الاخ العزيزالشاعرالشيخ صنداح الزلامي
اسعد الله ايامك بخيروصح لسانك
على القصيده الرايعه بالحبك والمعنا الاجمل
وياليت كل شاعريقول مثل هذه القيصده المفيده

اخوك / جهز الهرس المرشدي

[عبدالله المرشدي]

الله الله الله

ابدعت ياصنداح

الزلامي


قصيده في محلها

ومحبوكه ومسبوكه

والله يحفظ لنا حكومتنا ويصلح الحال

تحيتي لك

[صلوا على محمد]

الملك الله يديمه نحبه وعزه لكن المتابعه لازمه ومطلوبه الله بيسأله عن كل شي
ليه ماينزل للشعب ويشوف ويعرف الحقايق بنفسه
يعني يوكل موكل ويسرق والموكل يوكل موكل ويسرق يعني الشغله كلها حرامي يسرق حرامي
واللجنه تتكون منها لجان واللجان تتكون منها لجان والقضيه تصير كنها فص ملح وذااااب مثل المره الأوله
يعني عندك فقيه الحرامي كان له يد بالموضوع ووش كان عقابه ترقى لمرتبه وزير العمل
وابو راس هذا اللي مدري وش أصله قال اتمنى ان ينزل مطر عشان يعرفون الناس ايش صار وتغير وجا المطر وشفنا وش صار اللي صار اكبر من الأول أجل يابو راس وش اللي بتورينا اياه !!!!!! تورينا كذبك عالناس
مانرجي غير من الله

[أميرة الورد]

لاوالله مايراودنا في ملكنا ريبة وشكه
عسى ربي يطول بعمره ويحفظه لشعبه
لكن مشكلتنا في البطانة الفاسدة
ومثل مايقولون : المال السايب يعلم السرقة
دام لايوجد متابعه ولا رقابه وكل واحد يقول للثاني أمسك لي وأقطع لك .
لانقول إلا إلى الله المشتكى ... وحسبنا الله ونعم الوكيل

صح لسانك شاعرنا القدير صنداح
قصيدة تعبر عن حالنا بكل مصداقية
أسأل الله أن يجعل لك في كل حرف منها
أثقال الجبال من الحسنات يوم القيامة
لمثل هذا يفخر الشعر ويعتد ...

[محمد العتيبيّ]

اسمح لي ابدي اعجابي بقلمك وتميزك واسلوبك الراقي وتالقك

[محمد العتيبيّ]

مشكوووووور والله يعطيك الف عافيه

[صنداح الزلامي]

المشاركة الأصلية كتبت بواسطة خليجي صح لسانك ياصنداح سلمت أناملك ابيات روووعه تحاكي ارض الواقع والله يصلح كل حال

خليجي

صح الله بدنك وبارك الله فيك الروعة رورك

الجميل واعجابك قصيدة بالنسبة لي كن بخير

[صنداح الزلامي]

المشاركة الأصلية كتبت بواسطة جهز الهرس الاخ العزيزالشاعرالشيخ صنداح الزلامي اسعد الله ايامك بخيروصح لسانك على القصيده الرايعه بالحبك والمعنا الاجمل وياليت كل شاعريقول مثل هذه القيصده المفيده اخوك / جهز الهرس المرشدي

الاخ الشاعر الكبير جهز الهرس

صح الله بدنك وبارك الله فيك الف الف شكرلك على الاعجاب

وهذا وسام بالنسبة لي اعجابك وشهادك مصدر اعتزاز لي

تقبل وافر شكري واحترامي وكن بخير