لاضاق صدري جديد الجيب تليتـه

[فواز الشيباني]

[poem=font="Simplified Arabic,5,white,bold,normal" bkcolor="transparent" bkimage="backgrounds/10.gif" border="none,4,gray" type=1 line=0 align=center use=ex num="0,black"]
لاضاق صدري جديد الجيب تليتـه
=وأخذتلي مع صحارى نجد تجوالـي
جيب على شف بالي مانقص زيتـه
=اليا عطا الخط الأسود بنشرح بالـي
أبعد عن الهم يوم أركب على سيتـه
=كني بلنـدن بـراد زيـن وظلالـي
يازين مسراه يومنـه سطـع ليتـه
=ان اشهد انه يقطعك اشهـب اللالـي
لـو اتمـنـى بدنيـايـه تمنيـتـه
=مير احمد الله علـى كيفـي تهيالـي
لو كـان غالـي بسعـره ماتغليتـه
=ماهمني قيمتـه لـو الثمـن غالـي
وان شفت رجم على مشراف عديته
=لين اتطلع وأشاهـد روس الأقذالـي
والروض الأخضر يونسني ليا جيته
=وشوف النفل والخزامى هو دوا حالي
يازين ريحة شذاهـا يـوم شميتـه
=نبت الطبيعة لهـا بالقلـب منزالـي
وشـوف المغاتيرفـي جـو مفليتـه
=وضح مزايين تشبه وضح فنجالـي
وراع الدبش في طرفها بانين بيتـه
=للضيف في ربعته ممسـا ومقيالـي
درب ليـا جيـت بيتـه ماتعديتـه
=تبشر بفنجال بـن وفـال وعقالـي
وخزة رجال على الطيب متواصيته
=ماغيرتها العصور وبعض الأجيالـي
وشوف الحبارى مع القاع متمثنيتـه
=يسوى حياة المدينـة يابعـد حالـي
وسوالف من حكيم كـل ماأوحيتـه
=تطرد هموم بقلبي تشعـل اشعالـي
مهـوب خبـل تدوخنـي ثراميتـه
=مايعرف الا سمعت افلان وش قالـي
نمـام بيـن القبيلـة ذايـع صيتـه
=واهل النمايم عساهـم مالهـم تالـي
هذاك ياسعـود لـو شفتـه تعديتـه
=ابعد عنـه واتركـه لعلـه اشوالـي
[/poem]


للشاعر: سهل بن بندر العتيبي

[العود الازرق]

جززززززززززززززززلة

جززززززززززززززززلة

جززززززززززززززززلة

صح الله لسان سهل

ولا هنت يا ابن مشيب

[وليد الزراقي]

مهـوب خبـل تدوخنـي ثراميـتـه
مايعرف الا سمعت افلان وش قالـي
نمـام بيـن القبيلـة ذايـع صيتـه
واهل النمايم عساهم مالهـم تالـي
هذاك ياسعـود لـو شفتـه تعديتـه
ابعد عنه واتركـه لعلـه اشوالـي
جزله من جزل
راعيها يابو مشاري
تحياتي
أمير المنتدى

[فواز الشيباني]

العود الازرق

الله يعطيك العافيه
على
المرور المميز
لاخلا ولاعدم ياغالي

[فواز الشيباني]

وليد الزراقي

مشكور على
المرور
الرائع
لاخلا ولاعدم ياغالي

[((الدلبحي))]

فواز صح السان شاعرها

وتجهز ابي اتمشى انا واياك في نجد ايام

تحيااااااااااااااااااااااااااااااااااااااتي

[فواز الشيباني]

لي الشرف يابو حمود

الله يعطيك العافيه
على
المرور المميز
لاخلا ولاعدم ياغالي

[طويل الذراع]

اختيار جزل

صح السانك والسان الشاعر

والله يعطيك العافيه

تحياتي

[فواز الشيباني]

هلا وغلا فيك

اخي طويل الذراع

اسعدني تواجدك المشرف

يعطيك العافيه ولاهنت