صيحة حصة الهذال وذبحة بنية الجربا

[متعب الشمري]

السلام عليكم ورحمة الله وبركاته

اولاً يمكن يكون ردي متأخر حسب تاريخ الموضوع
لكن حبيت اشارك واقول اللي عندي لاني بصراحه قريت الموضوع وشدني الاخطاء الموجوده فيه

اولاً اخوي الجعفري ومليون نعم بعنزه
قبيله عزيزه وبهم من الشجاعه والطيب قومه وقعده
ولاهي غريبه اذا عنزه كسروا شمر او العكس


لكن وانا اخوك ياليت تتأكد من القصه والقصائد قبل نشرها
لان بصراحه فيه تحريف بالقصص بشكل كبير

راح اوضح لك وللاخوه

اولاً انت قلت ان كان فخذ الاسلم من شمر مع الجربا
وهذا اي انسان مطلع على تاريخ شمر يعرف ان الاسلم وجزء من زوبع شكلوا حلف وسموه الصايح وهو لقتال الجربان
ولاوقف مع الجربان الا الخرصه والثابت فقط
يعني يعني بالعربي ماعمر الجربان اجتمعوا مع الصايح لان بينهم معارك كثيره وقتل الكثير من الطرفين
والانقسام صار بحايل وبقرية الشقيق تحديداً كونك انت جعفري وتعرف حايل زين وتقدر تسأل الشيبان عن هالموضوع

يعني موضوع ان الاسلم تحت ثيادة الجربا هذي بعيده

ثانياً بيت من القصيده اللي انت استشهدت فيها اللي يقول

يا الزميلي تحسب الحرب تعللـه ـــــــــــــــــــــــــــــــ والسناعيس ربعك صاروا أسبابه

السناعيس هي نخوة عبده من شمر فقط
والجربا والزميل اللي بالشطر الاول من زوبع ومايقالهم سناعيس
هذي يمكن تفوت على هالجيل لكن الاولين ماتفوت عليهم نخوة وعزوة اي فخذ


ثالثاً

انت تقول ان عبده شاركت بالمعركه وانها انسحبت
ياخوي انت تدري ان عبده ماتركت حايل ابد على وقت الجربان كان امارة ابن علي
واغلب عبده حضر يعني ماهم بدو رحل الا القليل منهم
ولاعمر عبده صاروا تحت امارة الجربا


رابعاً
قصة مقتل الشيخ بنيه هذي مااحد من شمر يقول اللي تقوله انت
وهي قصه معروفه عند شمر
مثل ماقالولك الاخوان
والشاهد قصيدة عبطه بنته

صادوة بالحيلات في خندق الجـال
اخسوا خسيتوا ما خذيتـوا بدالـه
ولا وقفتوا موقفـن يعجـب البـال
محد زرق رمحه ولا حـدن ثنالـه
ولا صار عنده عركتن تشده البـال
خلـوه بقبـره وحـيـدا لحـالـه



وهالكلام وانا اخوك مايعني ان مافيه معارك عنزه كسرت شمر
لا الحق يقال كذا معركه انكسرت شمر قدام عنزه ولابه شين

لكن الواحد يقول اللي له واللي عليه


اعتذر على الاطاله