مرثية في الشيخ ضيف الله بن صالح بن حمد (رحمه الله )

[العديم]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرحوم ياشيخ الامور الصعيبه= شيخ الكرم والجاه واعتاق الارقاب
ضلع منيف ٍ من معالم عتيبه= ليا كبرت القالات يحسب له حساب
شيخ شهر في نجد صيته وطيبه=ساس الشيوخ اللي يهدون الاصعاب
من ماكرٍ مافيه شك ٍ ريبه = والناس تعرف بالفعايل والالقاب
تاريخهم كل الرواة تحكيبه=ويفرح بهم لاصار فالجمع ضبضاب
اليا تناخوا بالجدود العريبه=يجلون ضيم اللي من الضد منصاب
بالشلف والا معطبات الضريبه=والغبن منهم ينقله كل حراب
كم واحدٍ من فعلهم شق جيبه=وكم واحدٍ ينقل صوابه ولاطاب
وياشيخ جعلك فالجنان الرحيبه=في جنة الفردوس يازاك الانساب
مرحوم يامن وقت راس الرقيبه=يامنتهى الامداح ياحصان الاطلاب
واخوان ساره فالخطوب المهيبه=نوادر ٍ تبدي حجا كل مرقاب
ولو غاب نجم يطل نجم رقيبه=يطلع بدال النجم نجم ٍ ليا غاب
[/poem]

الشاعر غلاب بن خلف المورقي

[Dr.5x]

صح لسان الشاعر ولاهنت

[واقع من الخيال]

الله يرحمه الله يرحمه

من اقل ما يقال عنه .. وجزاك الله خير

[النجم الأصيل]

من ماكر مافيه شك وريبه

الواو نسيتها

وصح لسان المورقي

والله يرحم ابن حمد

ودي

[{ أبوفيصل }]

يامال الجنه
الله يرحمه ويغفرله
صح لسان غلاب المورقي

[سعود المرشدي]

الله يرحمة ويسكنه فسيح جناته

وصح لسانك ياالمورقي

تقبلو مروري

[إبن ثعلي]

الله يرحمه رحمة واسعه,فقد كان احد اعمدة قبيلة عتيبه وخسرته القبيله ولاراد لأمر الله
وصح السان الشاعر

[عاشق المساري]

يعطيك الف عافيه على النقل