جـُــمُــودْ لا يَـعْــرِفْ الإنــــكِـســَــار~

[أتعبني فراقك]

اي والله اهوجس ولانى بمرتاح

والحزن فى حوش الحنايا بفاروع



امسيت من وصل المواليف مزاح

واصبحت من فرقا المواليف مفجوع

البارحه فى غبة الوصل سبــاح

واليوم من عرش المواصيل مخلوع

ياصاحبى صرح الهوى والوفى طاح

والقلب كنه من عراويه مقشوع

كان احسب انه لحبنا عشرة ارواح

الين شفت الحبل بيدين مقطوع

يومن عهدبه حده اسبوع لى راح

اسبوع ويعوّد على شوق ودموع

واليوم خمس سنين والهم مازاح

هم الفراق اللى بلا عذر مشروع

استغفرالله تسعة شهور ياصاح

فى غيبته قمت احسب اليوم باسبوع!!!

العام خلى يسمع القلب لى صاح

واليوم مهما صاح ماهو بمسموع

ضاح الحساب وشفت برق الجفا لاح

وأيست لولا انه الرجا فيى مزروع

وحالى نحل والحال مهوب منساح

من كثر ماظما للمواصيل واجوع

بـليت فيمن دونه سيوف ورماح

وغدا على وصله مثل حبه الكوع

له منى ان سره على الناس ماباح

ولى منه ان الصد غصبٍ بلا طوع