لغز من المصنع للقسم )محلول( من شيخ الشيوخ صح لسانه

[{ أبوفيصل }]

وبعد تفكير عدنا يامدهال وياولد ثابت

وش تقول بمشرف الفتره
أو المشرف مراقب الموقع

[مدهـال]

حياك الله ياخليجي نت ومالك لوا في المراقب او المشرف

شيخ الشيوخ حياك مولاك وياهلا بك وننتظر منك الرجوع للغز

[{ أبوفيصل }]

بدعـن بدعـته واحترفــته تكـانه ** وعــادتك بالألغــاز ياصــاحبي ذوق


الحـل كان الله على اللغـز أعـانه ** أظـنّه الأرشــيف والشـي مـوثـــوق


حفــظ الوثايق فيه يالربع أمـانه ** من شان عبدالرازق يصون مرزوق

[مدهـال]

المشاركة الأصلية كتبت بواسطة خليجي نت بدعـن بدعـته واحترفــته تكـانه ** وعــادتك بالألغــاز ياصــاحبي ذوق الحـل كان الله على اللغـز أعـانه ** أظـنّه الأرشــيف والشـي مـوثـــوق حفــظ الوثايق فيه يالربع أمـانه ** من شان عبدالرازق يصون مرزوق

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يامرحبا بك ياوسيع البطانه=شهادةٍ منكم على عاتقي طوق
على عجل نرجع ولغزي مكانه=محدٍ حرش ضبّه ولاقص معلوق
مالك لوا لاصرت تبغى الامانه=ماجبت حل اللي كتبنا على اوق
[/poem]

[الأدميرال]

صح لسانك يامدهال ولاهنت على طرحك للغز

الميزان

[شيخ الشيوخـ]

وش تقول في حدود الارض من مناسيب او ركايز,,,

[{ أبوفيصل }]

اذاً الصــــك الشرعي

واتوقع فقأ عين اللغز شيخ الشيوخ

[مدهـال]

الأدميرال حياك الله وصح بدنك ومالك لوا

[مدهـال]

المشاركة الأصلية كتبت بواسطة شيخ الشيوخـ وش تقول في حدود الارض من مناسيب او ركايز,,,

صح لسانك ياشيخ الشيوخ

والإجابه مثل ماقال شيخنا

الركايز او المناسيب او الإستيكات او المراسيم

كلها تؤدي لنفس الشي والمسمّى واحد وهي الأداه اللي تحدد لها الأراضي

عافاك الله يابو عبدالرحمن

[مدهـال]

المشاركة الأصلية كتبت بواسطة خليجي نت اذاً الصــــك الشرعي واتوقع فقأ عين اللغز شيخ الشيوخ

هلابك يالخليجي وانتهى الموضوع وخيرها بغيرها