لغز من المصنع للقسم )محلول( من شيخ الشيوخ صح لسانه

[مدهـال]

السلام عليكم ورحمة الله وبركاته

إخواني هذا اللغز تمت صياغته الآن بطلب من الأخ وجودك يكفي

اتمنى ان ينال على إستحسانكم
اقول

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياشيخ ياكاتب عدل ترجمانه=يرضى بحكم الشرع من جاك مطفوق
انشدك عن رجلٍ ثبت في مكانه=واليا ثبت في موقعه يحفظ حقوق
يشبه خفير الدار حارس زمانه=يردع ضعيف النفس ويصير له عوق
دايم يجيب فزوع جملة اخوانه=وافين بالوقفه كما لابتي روق
[/poem]

الأخ وجودك يكفي ممنوع من الإجابه لأنه يعرفها

بإذن الله راح اكون متواجد واتمنى من الأخ وجودك يكفي في حال عدم تواجدي ان يرد على الإخوان

اتمنى لكم التوفيق

[وجودك يكفي]

الله الله على الجزاله والابداع

صح لسانك يامدهال وبيض الله وجهك على اللغز الجزل وعادتك الجزاله

وبصراحه ابطيت علينا وقلنا لازم نطلبك والقسم يتشرف بك وبما تكتب طال عمرك

شاكر حضور وتواجدك الرائع ياشاعرنا المبدع

[سعود بن فيصل]

الله الله

>> يفكر


صح لسانك يالذيب

تريونا

[وجودك يكفي]

المشاركة الأصلية كتبت بواسطة دغبوج الله الله >> يفكر صح لسانك يالذيب تريونا

صح بدنك بالنيابه عن الاخ مدهال


بإنتظارك يالذيب ونترياك على قولتك

[乂صـواعب乂]

مرحبا الساع باخوي مدهال

من طول الغيبات ياب الألغاز

صح لسانك على هاللغز الجزل ،،ربي لاهانك

وكأن الأبيات مكتوبه في ولد ثابت >>مشرف القسم ^_^

[مدهـال]

حياك الله ياولد ثابت

دغبوج مرحبا بك والقوس قوسك واللغز عندك إذبحه


صواعب حياك ومرحبا كل ساعه ماهوب هالساع وبس

نورتوا اللغز

[سعود بن فيصل]

وش تقول بالسيف ؟

[مدهـال]

هلا يادغبوج

ومالك لوا

[乂صـواعب乂]

منوور بك يامدهال


وإذا مب السيف عيل القلم

[مدهـال]

حياك ياصواعب

ونفس الكلام مالك لوا

ابعدو عن المكتبه السنه الدراسيه انتهت