البخت

[شاعر عتيبة]

للتواصل


[frame="1 80"]
البخت وان كان لمته في رداه وطيبه
عذري اني يوم الومه مابلغ بي شفي

يوم صكات الهوى تقبل به وتقفي به
مثل نورٍ يوم يالع لي ويوم يطفّي

ظيقتي ليلٍ نعق بومه وانا ساري به
والمهالك في طريقي سلكها ملتفي

قدمي الظلع الطويل اللي قنب به ذيبه
والحنش قدام عيني فالثرى متخفي

اتصبر لادخلني خوف والا ريبة
في ظلام عجزت عيوني تشاهد كفي

ويش باقي ياكدر بالي تبي تاتي به
ماجرا لي منك مع شين الزمان مكفي

ذاك حالي ياحبيبي عقب طول الغيبة
خاطري مكسور عقبك والعيون ترفي

بعدك اللي سم حالي والدروب تعيبة
ومابقالي غير طيفك واقفٍ في صفي

ولابغيت اسج ساعة خربت التركيبة
كني مقيد من عقالي لقاعة خفي

ليتني طيرٍ جناحه فالسما يومي به
واترك الوادي وسدره عقب سيله جفي

وليتني مثل الهلالي رحت في تغريبة
ولو تركت ديار ربعي في قفاي مقفي
[/frame]

[رشة قلم]

صح لسانك شاعر عتيبه

جميله بمافيها ..
وراق لي هذا أكثر ..

ليتني طيرٍ جناحه فالسما يومي به
واترك الوادي وسدره عقب سيله جفي

وليتني مثل الهلالي رحت في تغريبة
ولو تركت ديار ربعي في قفاي مقفي

دمت على الخير ..

[فهيد مقعد الرويس]

الله الله

صح لسانك

وعتلاشانك

ياشاعرعتيبه

ابدعت لاهنت

تحيتي وتقديري

[النجم الأصيل]

صح لسانك وبيض الله وجهك

[أرجُوانْ]

[align=center]:
||شاعر عتيبه||
قصيدة رآئعة ونص جميل
صح لسانك شآعرنا القدير و سلم نبضك..
بإنتظار جديدك القادم ،،
لك تحياتي
::
[/align]

[سويلم الخراص]

صح لساااانك وتقبل اعجابي

[شويهينة الهيلا]

ياسلام
الله الله
صح لسانك مليون
حروف راقت لي جدا
تحياتي لك

[ميااااح]

ن



شاعرنا المبدع
صح لسانك
وعلى شانك
ودمت مبدعا وشامخا بشموخ هذه الرائعه
كل التحايا لك

[آهآآآآت]

اتصبر لادخلني خوف والا ريبة
في ظلام عجزت عيوني تشاهد كفي

ويش باقي ياكدر بالي تبي تاتي به
ماجرا لي منك مع شين الزمان مكفي



’’’’’’’’’’’’’’’’’’

ماشاء الله تبارك الله قمه قمه قمه قمه قمه قمه والله قمه يالشاعر


جزاله جمااااال ترجمت الكثير والكثير في لوحه متكامله

الله يسعد قلبك وننتظر الجماااال القاااادم