C)(c للشعــــــــــر# وقفــــــــــات C)(c

[فــزّ!!!ع]

...
...
...

الــــرّدي لامـسـمــى ولامــاســوم
نـفـس تخـفـي مخـابـرهـا مظـاهـرهـا

لـه علامـات تكشفـه الــك بـيـن الـقـوم
يمـكـن ابــو ثـمـان اسنـيـن خابـرهـا

بعضـهـا ذاكــره فيماكـتـبـت الـيــوم
وبعضـهـا واضـحـه مـانـي بـذاكـرهـا

ايتـبـسّـم ليـامـنّـه غـشــاه الــلــوم
والجهـاهـيـل فالمـجـلـس يـقـاشـرهـا

ولايخـلّـي ولاهـرجــه ورى البـلـعـوم
وانــت يالمستـمـع جـاتــك ودبّـرهــا

كانـهـا طيّـبـه خـلّـك حـصـان وقــوم
الـرديّـه تـــرى مـاهــوب ذاخـرهــا

وكانهـا موجعـه مـالـك عــن المقـسـوم
انــت فــي مجلـسـه جـايـن تـدورهـا

الــردي عـلّـةٍ منـتـه بـهـا مـلــزوم
يقـتـف الـنـاس ويـفـتـش صـرايـرهـا

هرجـتـه كـنـهـا عـطـسـة الـمـزكـوم
تحـشـره ويتضـايـق لـيــن يظـهـرهـا

والسنـافـي يـحـط عـلـوم دون عـلــوم
احـتــرامٍ لــلاجــواد ومـشـاعـرهـا

...
...
...

[حسام هوازن]

يادمعة هلـيــتها تحت الاغـصان
أبكي علـى فرقـا عشـير غـدا لي
شهرين مرن صـاحـبي ما بعد بان
من يـوم قفّـل ما لقـيـته قـبـالي
ياشين حـالي صرت وحدي وزهقان
تحت الشــجر واقف وأرثي لحالي
في الليل وحشه ما يجيني ولا انسان
وعز الظهر يصلى على القلب صالي

[حسام هوازن]

غديت مثل العود مشراه غالي
وغلاه لجله يحرقونه على النار
تشوف دخانه يجي له ظلالي
ويروح كنّـه ماتكوّن ولا صار

[النـايــــــف]

يثبت الموضوع لجودته وقوته


تحياتي

[حسام هوازن]

يمكن تمر سنين وسنين وسنين
وتلقى مع العالم رفيق(ن) بدالي!!
يمكن أجي وتقولي شايفك وين؟؟
يمكن أجي وقلبك من الحب خالي!!
بأقول كلمه واحفظه يالغلا زين,,,
ما أنساك والله .. لو يطول إرتحالي...

[حسام هوازن]

ياليت الزمن يرجع ورى ولا الليالي تدور
ويرجع وقتنا الأول وننعم في بساطتنا
زمان أول أحس أنه زمان فيه صدق شعور
نحب ونخلص النيه وتجمعنا محبتنا
زمن مافيه لا غيبه ولا حتى كلام زور
ياليته بس لو يرجع ونسترجع طفولتنا
صغار وقلوبنا بيضاء تعيش بعالم محصور
ولا نعرف أبد أغراب ما غير عيال حارتنا
صحيح صغار في التفكير لكن ماعلينا قصور
نخطط نكسر اللعبه وتسعدنا شقاوتنا
نروح للمدرسه بدري ونضحك داخل الطابور
نحاول نزعج العالم بروحتنا وجيتنا
وعشان نأخر الحصه نخبي علبة الطبشور
نشاغب بس في الآخر تميزنا براعتنا
نحب الضحك والبهجه نحب إنط فوق السور
نفرفش ليه مانفرفش مدام الضحك عادتنا
ولكن دارت الأيام وبان الخافي والمستور
وصار الهم متعلق على قمة سعادتنا
كبرنا وصارت الدنيا تصف أحزاننا بالدور
وتهادينا الألم والهم غصب عن عين رغبتنا
تعبنا من بلاوينا أحد ضايق وأحد مقهور
وكل(ن) غارق بهمه وبالآخر تشتتنا
وأنا ما أقول غير ألا ياليت الزمان يدور
ويرجع للورى فتره نعدل وضع عيشتنا

[حسام هوازن]

تبي تعرف بقلبي وش مكانك .... تبي تعرف وش اعمل كل ليله
عزيز والروح هليته عشانك .... وعزت نفسي لك صارت ذليله
وقلبي وتاه في دنيا حنانك .... ومن دنيا عذابك من يشيله
تبي تعرف وش يسمح زمانك .... تشوف الهم في نفسي العليله
وجامل ناس واكرهم عشانك ....وهي غايه تبي احسن وسيلة

[حسام هوازن]

أبات مهموم وأصبح مستعد للهم
أضحك مع الناس كاتم لوعتي بصدري
بايعيني أدريك وآني اللي بكيتك دم
يا أقرب الناس ألمن أشتكي أمري
سلمتك الروح وظنيتك دوى لجرحي
لا أثر وياك لا زادي و لا ملحي
مخدوعة يا روح آن الأوآن أصحي
ناديت الأسماء ما بقى سوى أسمي
ناديت الأحباب ما جاوب سوى صبري
يا معشر الناس ما تخلص مآسينا
رضينا بالهم والهم ما رضى بينا
يزيدنا جروح حتى اللي يواسينا
ارحمني يا رب في برج الصبر نجمي
شمسوي من شر وش شايف أنا بعمري
أنعي لك الود يا عمري رحل ودي
ليل وشتا وغيم وأنا بهالبحر وحدي
صفعات الأيام كلها أتقاسمت خدي

[حسام هوازن]

مادام عقـب الحب فرقى الحبايب
مابي انا الفرقى ولا ابي حبيبـه

[حسام هوازن]

ماأقول غير انك بصمه فى حياتى
ولاأقول غير الله يذكرك با الخير