ياعالم الالغاز والذوق والفن )محلول( من جااابر صح لسانه

[عهود]

هههههههههههههههههههههههههههه

تو كتبت كذا رمعه ومن ضمنها الفواكه والفواكه شي اكيد من النباتات زين انت تقول الحل موجود في اللغز يعني مكتوب بصريح العباره وهو السمن وهو الحل نحط لفظ سمن مع لفظ نبات يصير سمن نباتي

وش رايك بالسمن او الزيت النباتي

[جااابر]

ياوجودك تحملنا انا وعهود انواع الاستفسارات الغريبه ههههههه
وش رايك بمنقل الشواء

[عهود]

ماغريب الا الشيطان ..

المره اللي فاتت برميل المندي واليوم منقل الشوا ..احلل شخصيتك ممكن انت انسان تحب الفرفشه والوناسه اجتماعي متسامح ..وتحب الطلعات البريه مع اخوياك .. تتحمل مسؤلية الرحله من والى ..


قال منقل شوااا قال

[جااابر]

لا ياعهود لاتفهمين رمعاتي غلط قصدي شريف شوفي اخذتها من البيت اللي يقول فيه وجودك وان قلتلي من ..قلت الاجابه
شبكت من مع قلت وحذفت التا

[وجودك يكفي]

عهود ،، جاااابر

السمن النباتي ،، منقل الشوي .. مالكم لوا

[عهود]

جابر انا كتبت في رمعاتي السكر..الفواكه ..دبس التمر قال وجودك اكتبي اسم الرجال قبل وحده من هالرمعات بيكون جوابك صح يا الله انت كمل الحل

[عهود]

حالين اللغز حالينه وانا بنت الشيخ اللي لاشافوها قالو شوفو وجه ال.... واحلبو لبن

ههههههههههههههههههههه حتى اللبن كتبته في رمعاتي شكلي ابفتح سوبر ماركت واسميها رمعاتكو

[وجودك يكفي]

ههههههههههههههههه اللغز صار سبب في دخولك عالم التجارة ولولاه مافتحتي سوبر ماركت ..

[جااابر]

انشدك عن رجال وان قلتلـي مـن = قلت الاجابه مابقى غيـر توصيـف

تعبت وانا اعكس بالحروف والزقها في بعض وش تقول في قلة او قلال التمر ؟؟

[وجودك يكفي]

المشاركة الأصلية كتبت بواسطة جااابر انشدك عن رجال وان قلتلـي مـن = قلت الاجابه مابقى غيـر توصيـف تعبت وانا اعكس بالحروف والزقها في بعض وش تقول في قلة او قلال التمر ؟؟

هههههههههههه الاسم واضح ومايحتاج تلزيق وعكس وتعديل .. وخليجي في إحدى رمعاته . فك الشطر بطريقه سليمه واستنتج الاسم من البيت الأول ولكن رمعته كانت غير صحيحه .. وبما إنك جبت البنات الأربع ياجاااابر يعتبر جوابك صحيح وصح لسانك وبيض الله وجهك

الجواب والرجل المطلوب هو المنّ منّ التمر .. والتمر يباع بالمنّ.. وهو عباره عن اربع قلال تمر ومفرد قلال ))قلّة((

انشدك عن رجال .. وان قلتلي منّ=قلت الاجابه .. مابقى غير توصيف>> اللغز يسأل عن المنّ ومن قال منّ يعتبر جاب الجواب المطلوب ومابقى غير توصيفه وتوضيحه لكي يطابق وصف الابيات التاليه
اربع بناته دون شكٍ ولا ظن>> المنّ الواحد فيه اربع قلال تمر .. وللمعلوميّه والفائده .. القلّه الواحده وزنها 60 كيلوجرام و60×4 الناتج يساوي وزن المنّ اللي راح نوضحه في البيت الأخير
فيهن فريد النوع من واجب الضيف>> قلال التمر فيهن فريد النوع وهو التمر .. والتمر نقدمه للضيف
وزنه ثبت معاد يكبر ويسمن>>المنّ وزنه 240 كيلوجرام .. وهو ثابت عند اهل التمر لايزيد ولا ينقص
وسط البلد مشهور في موسم الصيف>> المنّ نلقاه وسط البلد في سوق التمر واكثر من يتعامل بالمنّ هم أهل الأحساء .. ومشهور في موسم الصيف وهو موسم التمر


اشكر جميع من شارك والله يعطيكم العافيه ولاهنتوا