لغز هذه اللحظه ( حلّته عهود ) صح لسانها

[إبن ثعلي]

يمكن يكون حول الباب فوق وتحت والا لا يالعطاوي؟

[وجودك يكفي]

المشاركة الأصلية كتبت بواسطة إبن ثعلي يمكن يكون حول الباب فوق وتحت والا لا يالعطاوي؟

الله يرضى عليك ياشايبنا

رمعتك هذي صارت لغز

ونبي نرمع لين نعرف وشنهو اللي حول الباب فوق وتحت هههههههههههه

[عهود]

رمعه سريعه ويــاااارب تكون صح ..


ممكن يكون كبك الثوب له رجل وحده إذا انثنت مايتحرك من مكانه أبدددد ..

[وجودك يكفي]

المشاركة الأصلية كتبت بواسطة عهود رمعه سريعه ويــاااارب تكون صح .. ممكن يكون كبك الثوب له رجل وحده إذا انثنت مايتحرك من مكانه أبدددد ..

ان شاء الله ان الرمعه صحيحه وان سلم منها اللغز ومافقعت عينه بقى له رمعه وحده قريبه من رمعة الكبك ولكنها تثبت في الأذاني

[{ أبوفيصل }]

المشاركة الأصلية كتبت بواسطة عهود رمعه سريعه ويــاااارب تكون صح .. ممكن يكون كبك الثوب له رجل وحده إذا انثنت مايتحرك من مكانه أبدددد ..

هذا والله الليل هههههه حتى ابو رجل ماسلم منها ومن رمعتها

صح لساااانكـ ياعهود واقولها عشر مرات مااااافيكـ حيله
(( الكبك ))

شكراً لكي وللجميع وافر الشكر والتقدير
مااقصرتوا بيض الله وجيهكم

[وجودك يكفي]

السلام عليكم ورحمة الله وبركاته

مساء الخير ياكابتن وصح لسانك على اللغز الوافي والجزل



سجلني مع رمعة عهود .. كبك الثوب . والعلم الاكيد عندك يابوفيصل

[{ أبوفيصل }]

المشاركة الأصلية كتبت بواسطة وجودك يكفي السلام عليكم ورحمة الله وبركاته مساء الخير ياكابتن وصح لسانك على اللغز الوافي والجزل سجلني مع رمعة عهود .. كبك الثوب . والعلم الاكيد عندك يابوفيصل

أررررحبو هلا وغلا ويامرحبا يارفيقي
مايحتاج تأييدك حل ومسجّل ماركت وعليه طبعة وكاله

[{ أبوفيصل }]

يابن ثعلي ركّز ماهي بعوايدك

[البارق]

سحبت فينا من امس على كبك يابوفيصل

صح لسانك عهود والجميع وابن ثعلى الظاهر مثلى خاف من العين هههههه

[{ أبوفيصل }]

المشاركة الأصلية كتبت بواسطة البارق سحبت فينا من امس على كبك يابوفيصل صح لسانك عهود والجميع وابن ثعلى الظاهر مثلى خاف من العين هههههه

شفت وشلون ؟ !!
المشكله اصايل ومهره ليلهن سروي وياقلب لاتحزن