محمد دغيّم وناصر تراحيب

[عادل العصيمي]

المشاركة الأصلية كتبت بواسطة البارع المتهـم نـاصـر مـديـر الاداره اللي يحضـر ايـام وايـامٍ يغيـب لو قال انا البيطـار نمـر النمـاره ومهندس الموقع حصان الاطاليـب وصحيبـه محمـد وكيـل الـوزاره تقـول جلمـودٍ شوتـه اللواهيـب مدرمـحٍ يـدحـم بجنـبـه وزاره وذهين ما تمشي عليـه الالاعيـب جلساتهـم ليلـي بوسـط العمـاره ويخططـون ويفتلـون الاشانيـب لازم تقاعدهـم نـصـدر قــراره ونكرسع الاثنين في سجن ابو غريب ههههههههههه الله يرجك ياشيخ الشيوخ والله انك ماتخلي اللقافه ههههههه انت علامك على العواده هالمره حديت عا\دل على القشر اقدم يانسـل المشيخـة والامـاره ما دام ما عنها منـاص ومجانيـب أنا يمين أهـل الفخـر والجـداره لن كانها بالطيب والا المشاعيـب في ذمتي ما أحسب حساب الخساره وأنا مع الوافي عطيب المضاريـب خاطـرك ياذيبـان عـدل مـداره يومين تصفي من بعدها المشاريب عاااادل العصيمي ,,, كفو ثم كفو ,, شيخ الشيوخ ,,, عادل العصيمي ,,, صوت وصدى رائعين ويحركـــ الاجواء كثيرا ,,, دمتم هكذا ,,, تقبلو تحياتي ,,,

عين خير يالبارع ما فيه ولا قشر


الموت مع الشيوخ رحمة


ما عليك زود ولا هنت


,

[النجم الأصيل]

بيض الله وجهك يالامير وصح لسانك

وسلمت يمينك ياعادل ولا خلا ولا عدم يالقرم

ودي لكم

[عادل العصيمي]

المشاركة الأصلية كتبت بواسطة النجم الأصيل بيض الله وجهك يالامير وصح لسانك وسلمت يمينك ياعادل ولا خلا ولا عدم يالقرم ودي لكم

من قال سالم يا زاحم


لا هنت


,

[{ أبوفيصل }]

ههههههههههههه

شيخ الشيوخ لاوالله الاّ اجتحت هالشياب والتقاعد معاد هو ببعيد عنهم عقب هاذي

وانت ياعادل بدعمك ومساندتك للشيخ تضعف جيوش هتلر وتكتسحه كان مادمّرته ههههههه بس زين ما أستخدمتوا الأسلحة فيهم المتطوره

صحّت ألسنتكم على المساجلة الرائعه

سلمتوا ودمتوا جميعاً وعساكم فالوجود ،،


تقبلوا فائق تحياتي

[رغدالشيباني]

صحت ألسنتكم

جميعكم مبدعين :)
.....
شيخ الشيوخ ممكن القبك بــ القنبله الموقوته :) ماذخرت علاهم من الردى شي الله يعينهم على ماجاهم :)

ابن عجلان ...كفو والله ونعم بالاد عاصم :)....<<<<(دائماً مسالم وجنب الحيطه) :)

تحياتي..

[الشرهاني]

سلام يالاثنـــين من كـل داره ....... تسليمة من عاليات المراقيب

صح لسانكم الاثنين

[عبدالله المرشدي]

الله الله عليكم ياثنينكم

صحة السنتكم

وماقصرتو ابدعتو ابدعتو

صراحه قريت شعر حقيقي

والله يعينكم على بن سعدي

تراه كارثه ههههه

تحيتي لكما

[شيخ الشيوخـ]

نايف تراحيب ... صح بدنك ولاهنت وخلك قريّب :)

عبدالعزيز الفرج...... يامرحبا بك وصح بدنك

فيصل بن طعيس ..... مرحبا ومسهلا صح بدنك

نادر النمر ........ صح بدنك ولاهنت يالغايب الحاظر

الصهد ....... صح بدنك والله يحييك ويسلمك

مياااح ..... صح بدنك واللي انت في صفّه ربحان ومالنا عنك غناه رد بن دغيم عنا :)

المخظرم فهيد الرويس ...... نورت يامسهلا ثم يامسهلا

البارع .......... الرجه زينه فالشتا والهجوم خير وسيله للدفاع..... مرحبا بك يامشرفنا الرائع

الناطق الرسمي للموقع ( زاحم العضياني ) اسفرت وانورت .... ومشكور على الدعم اللوجستي :)

خليجي ...... التقاعد نظام دولي :) والله يكفينا شرهم ... حياك الله ولاهنت

رغد الشيباني ..... الابداع تواجدك و الله يكفينا شر القنابل ( والصواريخ ) والردى برا وبعيد

الشرهاني ........ يامرحبا شرفتنا بالزياره .... اقولها من دون شكٍ ولاريب

شاعر الموقع ..عبدالله المرشدي ....... وخر لانحطك معهم :)....... صح بدنك ويامرحبا ومسهلا ولايطول غيابك عنّا



الحليف الاستراتيجي / عادل العصيمي
نأمل وضع حالة الطوارئ بنسبة 100 %
حط المتارس وخل الذخيرة حيّه والوعد قدام :)

[عزيزة الجناب]

عادل

شيخ الشيوخ صحت السنتكم وقصايدكم روووووووعه

الا ناصر ومستشاره انا معهم

لاهنتوا

[ناصر بن سعدي]

ول ول ول ول أنت وإياه ,,

هذه آخرتها .. <<< طير إبن برمان :)

الغالين ::

شيخ الشيوخ :: و :: عادل العصيمي

صحة ألسنتكم يامبدعيـن ,, ولله دركم أنتم ومؤامراتكم الرائعة بكل تأكيــد :)

وأبا أدور إن خليتو لي شي أبشرو بالهجمات المرتدة :)