اول قصيدة اكتبها في حياتي...ابي نقدكم
 

ما كل ما ينقـــال شيف***وما كل ما شيف انعرف

مبصر ومع ذلك كفيف***ديان وابحث عن سلف

الشــيك في كفي لفيف***والبنك الاهلي ما صرف

يا شيب عيني يا منيف***من عين راعية الترف

من عقبها عقلي خفيف***العاقل اللي انحـــــرف

الوادي انشوفه منيف***والضلع كنه منجــــرف

الليل مشمس يالطيف***والصــــبح لونه مختلف

الصيف في عيني خريف***والبرد ماعاد انعرف

ليتك يابو محمد تريف***في واحدن صابه خرف

بالليل تسمع له حفيف***والصـبح في عينه صلف

لا زامل ولا عبداللطيف***لا كامل وحتى بلشرف

الزين كله في عفيــف***والزين يكسيه الشــرف

الدين والقلب النظيف***خير الخلف خير السـلف

يقول ثابت يا عـــريف***واقــول يامــال التلــــف

وين انت يالحد الرهيـف***القــدر تاليه انغــرف

ياهل ترى ماذا وكيف***عقب الصدارة في طـرف

القاطمي ماله رفيـف***والدمع من عينــه ذرف

لا تقنع بقطعة رغيف***خل الثــريا لك هــــدف

لا تلبس الثوب النظيف***لا تبني بيتك من خــزف

دام الرخم اصبح شريف***والاجودي مال وعطف

انهج ودور لك حليــف***يا جعل عينك ما ترف

غنامي وفعلي كليف***والكف تسبقها الف كف

وسلامتكم ...
مجرد محاولة وعبث لا اكثر ولا اقل
ودمتم غانمين

طيبتن بالحيل

صح السانك

تحياتي

[size=6][color=#000000][font=Simplified Arabic]صح لسانك وبيض الله وجهك وفالك المليون[/font] [/color][/size]

صح ابدانكم (الدماسي والقوبع)
وشرفني مروركم الكريم وبيض الله وجيهكم

صح السـانك

صح بدنك اخوي عتيبي

مالك

قصيده جميله

موزونه


عى بحر الحدا

لكن فيها هالبيت

مكسور في شطرينه:
لا زامل ولا عبداللطيف***لا كامل وحتى بلشرف


وكأنه مقحم على القصيده اقحام

اخوك

صح لسانك


وعلى شانك


شيك عليها مثل ماكال اخوي خالد

وصراحه تستحق الاعضاء مو هنا

بس ان شاء الله الجايات

احترايم

بيض الله وجهك يا خالد على المرور والنقد
صح بدنك يا عبدالله ومشكور على الاطراء الله يطول عمرك

[align=center][color=#FF0000][size=4]مالك السعيد ,,

صح لسانك ,,

لاهنت على الابيات الجزله ,,

مع تحياتي ,, [/size][/color][/align]

صح لسانك وبيض الله وجهك وفالك المليون

[B][align=center][size=4][color=#00008B]مالك السعيد
صح لسانك
قصيدتك جميلة جدا
واذا كانت هذي اول قصيدة فكيف بالجايات
انا متأكد انك كتبت قبل

اخوي مالك
عندي بعض الملاحظات على طاري النقد وامل ان يتسع صدرك لها
وانا متأكد انك تبحث عن الفائدة

بالنسبةالوزن:
بحر قصير وهو لا يحتمل الكثير من الكلمات
يألفون عليه لغرض الشيلة مثلا او موقف عابر او طريف

وجدت بيت وهو
لا زامل ولا عبداللطيف * لا كامل وحتى بلشرف
لو قلت
ما يتبع لعبداللطيف * و لا كامل و لا بلشرف

المعاني:
هناك ابيات (خصوصا الاولى) ابتدأت كأنها تعريف
مثل الليل ... الصبح ... الصيف ...البرد ... الوادي ... الضلع ..الزين ... الدين ...الخ
اقصد انها زادت شوي يا خوي مالك
في حين ان القصيدة هي وصف لحالة نفسيه
فلو ركزت على الوصف بشكل مباشر عن نفسك

اعتمدت على التناقضات كثير
مثل:
الليل مشمس يالطيف***والصــــبح لونه مختلف
لوقلت
الصبح مظلم يالطيف***والليــــــل لونه مختلف ... كان طلع اكثر وقع

واكتفي بهالملاحظات

واقول بالنهاية صح السانك

تحياتي

بيطـــار نجــــد[/color][/size][/align][/B]

[color=#000000][align=center]صح السانك

بدايتك جميله ورائعه جداُ , تثبت ان عندك الكثير والكثير

والله يوفقك وننتظر جديدك




تحياتي[/align][/color]

مالك

قصيده جميله

[align=center]الله يعطيك العافيه على الاجتهاد

وبعدين اول قصيده تكتبها يعد شيء رائع

وجميل اتمنى لك التوفيق والابداع

تقبل التحيه[/align]

صح لسانك القصيده فيه معاني كثيره وصور جميله الكسر موجود لاكن ادا كان هادي البدايه فهي مميزه القصيده البيت فيها قصير مدري علا اي بحر لاكن ما يعدرب في القصيده القصيده تشد القاري الا درجت انه يقراها كم مره فيها شعر فيها روح القصيده وبشكل عام بدايه مميزه وقصيده اكثر من جيده اتوقع لك تطور ولا تحرمنا من جديدك انا ابي اتابعك اول بول واتمنى لك التوفيق