العلم ياتي وراه علوووووووم

[عبدالله المرشدي]

السلام عليكم ورحمة الله
وكل عام وانتم بخير وتقبل الله منا ومنكم صالح الاعمال

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هذا هو الواقع المقسوم= دنياك لازم تسايرها
لو شفت فيها غثا وهموم=اصبر وتصفي مناظرها
لاتخطي الدرب يالمنجوم = مع سكةٍ مانت خابرها
العلم ياتي وراه علوم =تلقى الخبر من مصادرها
البيع حده تعدا السوم=ماهي على مانت فاكرها
اضحت كذا حالها في يوم=رجلينها عند صابرها
باقي بها من رسوم القوم= ماضٍ تشوفه بحاضرها
يمكن يسليك يالمهموم= عن حالها يوم تذكرها
اللي خلقها من المعدوم =بامره ليا راد يسرها
كله ولا عيشة المحروم=اللي على الضيق عاسرها
لو ان جوه مطر وغيوم=عينه بكيفه مسكرها
الحمد لله تقف وتقوم= سبحانه اللي مصخرها
يالله ياحي ياقيوم=تكتبلنا الخير فاخرها[/poem]

[ساحر الكلمه]

صح الساانك

قصيدة جميلة

تقبل مروري

الساااحر

[شيخ الشيوخـ]

قصيده رائعه

كما هي العاده من شاعر منتديات عتيبه

[البارع]

,,,, والله اني اردت الاقتباس وخفت اظلم باقيها.........صح لساااانكـــ وليس غريب الابداع
يابو بدر...ولاتحرمنا جديدك يامبدع.....تحياتي

[اصايل]

يالله يـــاحـــي يــاقــيـــوم تكتب ـلـنـا الـخـيـر فـاخـرهــا


امين

كأني قد سمعتها من قبل :)

قصيده رائعه ياالمرشدي


صح لسانك مليون


لاهنت

[ناصر بن سعدي]

شاعرنا الرائع ..


أبو بدر ..

صح لسانك ..

نص فاخر .. ومستوفي لكل بنود الإبداع ..


لله درك ..



تقبل تحياتي ..

[عذوب]

الحمد لله تقـف وتقـوم
سبحانه اللي مصخرهـا
يالله يـاحـي ياقـيـوم
تكتبلنا الخيـر فاخرهـا

ابيات جزله من شاعر جزل

لاهنت

[عادل العصيمي]

كل عام وانت بخير


وصح لسانك ياعبدالله


مبدع كالعادة


تقديري


.

[عبدالله المرشدي]

المشاركة الأصلية كتبت بواسطة ساحر الكلمه صح الساانك قصيدة جميلة تقبل مروري الساااحر

ساحر الكلمه

صح بدنك

تحيتي لك

[عبدالله المرشدي]

المشاركة الأصلية كتبت بواسطة شيخ الشيوخ قصيده رائعه كما هي العاده من شاعر منتديات عتيبه

شيخ الشيوخ

صح بدنك

والله لايهينك

تحيتي لك