الــــــــــــــــــــدرب

[الشاعر الفهري]

[poem=font="Simplified Arabic,6,darkred,bold,normal" bkcolor="transparent" bkimage="../backgrounds/1.gif" border="double,4,darkred" type=2 line=0 align=center use=ex num="0,black"]
ياطويل البال طال الـدرب طـال= والرجا حبله بـلا يـاسٍ طويـل
طف نار البعد ياخـي بالوصـال= وخل عنك مجامل الوقت البخيـل
الزمن ما يستحي وان مال مـال= يتعبك مابيـن يـوم وبيـن ليـل
يرتكي لـك بالخفيفـه والثقـال= وينهك متونـك بحملـه ياثقيـل
ويقصر خطاك الطويلـه بالعقـال= لين تصبح بين حيف وبين ميـل
إن بغيت الصلح مالك به مجـال= وكان حبك منطحن وفـاك كيـل
شف من اسبابه غدت هالحال حال= وش ذبحني كود هالحظ الهزيـل
بس اجامـل واتحـلا بالخصـال= الخصـال الطيبـه ذخـرٍ جميـل
ومن نشدني قلت حالي عال عال= من كثير النـاس يكفينـي قليـل
وفوق هذا ماسلمت مـن الجـدال= الحواسد ما تخلـي لـك سبيـل
مايخلا منسـدح ياابـن الحـلال= المشاكل خيلها تصهـل صهيـل
لو تصافـح باليميـن وبالشمـال= ولو تجامل كل غـادي أو دليـل
والله إن يقال فيـك ومـا يقـال= ووالله إن تسمع يقول وقال قيـل
وتسمع اللي ما طرى لك فيه بال= من خبوشٍ شغلها شـب الفتيـل
ووالله إنـه مايعلـل بالـرجـال= كود طعَان القفا النجـس الذليـل
لاكن أبشر بـه جـوابٍ للسـؤال= وكل زراعٍ يحصـل لـه حصيـل
القدم ياطى علـى ظهـر النعـال= والعقال يشال فوق الراس شيـل
وانت وش لك بالقصيره والطوال= خـل راع الهـم لليـل الطويـل
إرفع الهامـه وهلـل يـا هـلال= والثنـاء لله والشكـر الجـزيـل[/poem]
[align=center][align=center][frame="3 70"]مع تحيات الشاعر/ عبدالله بن عايض الفهري[/align][/align][/frame]