إذا المراجل لبسة شماغ وعقال

[حرهـ , ماتهـآب]

إذا المراجل لبسة شماغ وعقال
قل للعذارى يلبسنّ العمايم
ما عاد يفرق زول حرمه ورجال
دام الفعايل تشبه البعض دايم
المرجله ما هيب كلمه وتنقال
وتروح ما راحت هبوب النسايم
وإلا خشونة صوت أو رفع الأثقال
أو رزة صدور وفعل الزلايم
ولا هي بعد مفتاح موتر وجوال
وإلا ردى لسانن حديثه شتايم
المرجله شيمه عن القيل والقال
رفيع نفس (ن ) حر بالجو حايم
المرجله عقلٍ وزن وزنه جبال
ودون العقل وش فرقنا والبهايم
يا مسندي لو مايل الوقت بي مال
يا ولد أبويه يا عظيم العزايم
يا معرب الجدين من العم والخال
يا نخوة المفزوع وقت الهزايم
المرجله يا خوي هي طولة البال
هي العزم هي الصبر فالظلايم
فيها الكرم عزه دله وفنجال
فيها الكرامه عن ردى الطبع شايم
والدين لامنه خذا القلب منزال
مشى طريق الحق وابليس نايم
ومن لا عرف ربه في طيب الحال
لابد وقت الضيق بالهم هايم
حتى صلاتك مع جماعات ورجال
في خيرها يا خوي نعم الغنايم
ولامن نصف ليلك قم صفي البال
يا عظم أجرك بين ساجد وقايم
ولا من رفع ربي له كل الأعمال
حسن الذكر لا قالو فلان صايم
وخلك شريف القصد يا طيب الفال
سوء المقاصد فالبيوت الهدايم
واحذر تبيع النفس في درب الأنذال
وتتبع خوي إبليس راع النمايم
النفس خيل لك إذا كنت خيّال
ومن لا قوى نفسه قوته الهزايم
ولا صرت ما تدري ليش أنت رجال
والله خسارة فيك ذبح التمايم

..

راقت لي كثيــراً ,,

[نظره خجوله]

المرجله شيمه عن القيل والقال
رفيع نفس (ن ) حر بالجو حايم
المرجله عقلٍ وزن وزنه جبال


\


ذووووق روووعه لاهنتي على النقل

[حرهـ , ماتهـآب]

الذوق مرورك غناتي ,,

لاهنت يالغلا ,,

,’

[غـلا سبيع ..{~]

صح لسسسسانك ولسان قايلها

[برقآآآآوي]

قصيدهـ رائعهـ مشكـــورهـ على النقل



رآآآآآقت لي \ برقآآآآوي

[المرجوج]

قصيده أكثر من رائع وسلمت يداكِ على النقل

[حرهـ , ماتهـآب]

ياهلا فيكم ,,

,’