شيلة:مهنا العتيبي (قم يالمقهوي) .منتديات قبيلة عتيبة .

[» عبدالعزيز «]

بسم الله الرحمن الرحيم

السلام عليكم ورحمة الله وبركاته

اللهم صل على محمد وعلى آله وصحبه أجمعين

يسعدني ويشرفني

أن أقدم لكم شيلة بصوت الشآعر: مهنا العتيبي

إليكم المقطع من اليوتيوب

إخرآج : عزوز المقاطي

أتمنى لكم طيب المشاهده

http://www.youtube.com/watch?v=HilIEB4VyFU

كلمات القصيده

قم يالمقهوي دن نجر ومحماس
واحمس لنا من حب صنعا نماها
احمس وزين حمسة البن بقياس
دقــه ولقمهـا وعـجل سواهـا
وصبه لممرور على الخيل مدباس
تقفي عنه صم الرمك لانصاها
من فوق ماتاخذ على الخيل مرواس
لاجدعت خبثات الانفس حذاها
واثنه لمن حوله على الزبر جلاس
اهل السموت اللي بعيد مداها
ابن عبيكه هرجته مابها باس
تطرب لها كرام اللحى من حلاها
طول الجدار وقصرة الرجل نوماس
لا صار ما للرجــل داع دعاهــا
تصير بعيون الرفاقه معك باس
لاصار ماتدعى تره من عناها
يصير قالات ويصير لولاس
ونوبن من الادنين ياتي بلاها
قلبك يصير ويضرب القلب عوماس
والنفس تقدح عقب زايد غلاها
خلك على بابك تقل لون حراس
لاجو عليهن محترين عشاها
لاجن مع الخل الشمالي لها اضراس
والكل تشكي رجلها من حفاها
نرحب بهم من قبل تجديع الالباس
ونقلط لهم تمر الحلا من نماها
ونذبح لهم كبش مربى بالاطعاس
ونقلطه من قبل يقرب مساها
هذي سلوم جدودنا قبل من راس
واللي بعدنا كــان ربي هداهـا


دمتم بود .

محبكم : عزوز المقآطي