فل شعرك..ونثره يازين..

[الأدميرال]

مايذوب خافقي غير انت والله
لا ضحكت وذاب ملحك بالشفاه



طلتك والله ماهي.. بيات طله
طلت اللي خالق.. العالم عطاه



رمش عينك سيف عنتر يوم سله
ورتهب من لمعته جند.. العداه



فل شعرك..ونثره يازين.. فله
فوق جيدك ..يوم غرك في بهاه



كن جسمك بالوصايف..وصف دله
وكن خطيك..ياغلا خطي القطاه



وكن حالي حال..جيبً يوم تله
عاشقٍ ..يطرد..مراويح المهاه



صوت..سيره بالمكاين مستهله
والتواير..شقها ضرب الحصاه







والحراره كنها ..من فوق مله
لين فوح ونتثر... خزان.. ماه



طالبك..لاتقول لا والله ..ولله
أرحم اللي طال نوحه مع بتساه



الجفا من بيننا.. والصد.. خله
والوصل مده على طول الحياه



وش تبي كثر الكلام..أحسنه قله
أنت..فرحي ..كثر مابي من شقاه