ترحيبة الهيلا احدث قصيده في المزاين

[برقاوي511]

[align=center]

ترحيبة الهيلا

مرزوق بن دحيم العضياني[/align]


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامرحبا واهلا هلا اكباروصغار=ترحيبة الهيلا لمنهم لفوها
اضيوفنا نفرش لهم دار وقفار=ونجد العذية تحتفل كل ابوها
من بيت ربي للحساء كلها انوار=ومن الدحي للدنى الشمال اكتسوها
برقا وروق مطوعة كل جبار=تسعد لمن شد الرحال اقصدوها
الضيف يعباله من الكيف مقدار=والـعـود الازرق شامع في هواها
هاذي فعول اجدادنا سر واجهار=والله وهبها عيالهم وورثوها
اهل الكرم والجود حماية الجار=ربي بعزه عزهم وفعلوها
اخوان نوره خيرة الخلق الاخيار=برسالة الدين ودعاته حموها
وحنا لبو متعب دروع لها اوقار=والروح تحت اشارته وارخصوها
وسلطان سلطان الكرم واف الاشبار=له مدة كل العرب جربوها
ابشرع ربي مع طويلين الاعمار=عم السلام وبالكتاب احتموها
واليوم يوم مزاينً فيه الاذكار=هاذي هوازن جاتكم شاهدوها
معهم حلالً مامشى وسط الاقطار=وعيالهم في وسطها واكرموها
سلايل محفـوظة كلـها اخيـار=تعجز هل اللجنه ليا شاهدوها
هيلا هل البل واكتبوها بالاسطار=بالكتب من عصر الجهل سطروها
ويا مرحبا واهلا هلا صغار واكبار=في محفل الهيلا بمن شرفوها[/poem]

[align=center]من اجمل ما قرأت و عسى عتابه على العز والقوه يارب[/align]