موظفي "مكافحة الفساد" يؤدون القسم

[الـمـلـكـي]

عجبي..!!

في إحدى آلمرآت أتصلت على مكآفحة آلفسآد للإبلآغ عن أحد رؤوس آلفسآد

ويرد علي موظف رديت آلسلآم ويقفل بوجهي وأعيد أتصل مآحد يرد

يآليت آلأسره آلحآكمة تعمل بجدية لتحقيق طموحآت آلموآطنين في كآفة آلمجآلآت

لأن مآشوف أحد حريص على رآحة آلموآطن غير أبو متعب الله يحفظه..آلبآقين صحبة فلآشآت

..مآغير مطيحين بآلجآكوزيآت

وأنوآع آلفسآد برآ.

أصآيل يعطيك آلعآفية

لك آلتحيه,’,’,

[اصايل]

المشاركة الأصلية كتبت بواسطة ابوسـعد الحرامي يقول والا مايقول طال عمرك سيعلم غدا اين الفرج!!؟؟ الفرج ليس في حرمنته او كذبه او تحايله او فساده وقد قال الله تعالى لنبيه محمد صلى الله عليه وسلم في القرآن"سيعلمون غدا من الكذاب الاشر" المهم ان يكون في كل عقد للعمل مع المواطنين لوحة قسم يؤديها كل واحد لأن العمل شرف يجب ان يؤدى على خير مايرام وسوف يرى الله هذا العمل ويعرض عليه جل شأنه...شكرا اصايل وافادك الله كما افدتي هذا المنتدى وياهلاوغلا

هلابك ابو سعد

اي هو مايعرف وين الفرج الا بعد فوات الاوان ...اما بعد مايهديه ربي ويخافه وهو مازال في منصبه وعلى راس العمل والا في الغد عند مواجهة رب العالمين ..!
في النهايه المواطن هو الخسران بين ذمم هالبطانه النصابه

شف هم لو تفكيرهم مثل تفكيرك وتفكيري كان حنا بخير


سلمت ولاهنت استاذي الفاضل ..

[اصايل]

المشاركة الأصلية كتبت بواسطة الـمـلـكـي عجبي..!! في إحدى آلمرآت أتصلت على مكآفحة آلفسآد للإبلآغ عن أحد رؤوس آلفسآد ويرد علي موظف رديت آلسلآم ويقفل بوجهي وأعيد أتصل مآحد يرد يآليت آلأسره آلحآكمة تعمل بجدية لتحقيق طموحآت آلموآطنين في كآفة آلمجآلآت لأن مآشوف أحد حريص على رآحة آلموآطن غير أبو متعب الله يحفظه..آلبآقين صحبة فلآشآت.مآغير مطيحين بآلجآكوزيآت وأنوآع آلفسآد برآ. أصآيل يعطيك آلعآفية لك آلتحيه,’,’,

حياك الله الملكي ..

والله يااختك مدري عن الفلاني والشخصيه العلانيه وخفاياها

اللي اشوفه ان الوضع كل ماله في تدهور ننحاش من حفره ونطيح بدحديره

انت اتصلت وردوا وسكروا انا محد رد ابد ..!

اسمع قصتي ..

انا سجلت الرقم عندي قلت بخليه لوقت احتاجه ..المهم ويشاء الله مره واتهاوش مع هنود مدري بنقاله في عطاره

رافعين الاسعار دبل تخيلوا والله العظيم بعد القرارات الملكيه مباشره اللي بشهر 3

بدون حلفان ..( مافرقت معي زيادة الريالين والخمسه ,,,بس من القهر مابيهم ياكلونا عيني عينك ويستغفلونا ) اكره شي في حياتي الاستغفال ..

قلت خير تو من اسبوع سعرها موهذا؟؟؟ والا عشان الملك قال فيه زياده للموظفين وقرارات ومدري ايش رفعتوا ؟؟

قال انا مايعرف هو هدا سعر انا مافيه معلوم ..قلت سعر يالنصابين هذا الرقم معي والله لاتصل واحوسكم ولتسفرون يامدهونين الصلايب مسويه قويه واتصل لكن حسبي الله محد رد .. للحين ناويتهم وحاطتهم في بالي ..!هين بس ..

المشكله حتى الاعلام عندنا يغطي عليهم مايذكر اسماء الشركات او المصانع الغشاشه عشان يغرمونها ...لا بس يشيرون لها من بعيد لبعيد ليه مافيه تشهير !! عشان يتوبون

محلات الماركه مثل زارا على طول رفعت الاسعار في نفس الليله للقرارات الملكيه وماشهروا فيها سكتوا وتمادوا البقيه ..؟

وش الفايده اجل من اللجنه ومحاربة الفساد اذا هم مايوقفون مع المواطن ويساندونه

بس لجنه وموظفين واداء قسم وقرارات على ورق وقدام الاعلام واخذ رواتب

حسبي الله وكفى


طولت في التعليق بس من غلي


:

لاهنت يالملكي ..

[الأدميرال]

رايح فيها ياوطـــني

[ابوسـعد]

المشاركة الأصلية كتبت بواسطة اصايل هلابك ابو سعد اي هو مايعرف وين الفرج الا بعد فوات الاوان ...اما بعد مايهديه ربي ويخافه وهو مازال في منصبه وعلى راس العمل والا في الغد عند مواجهة رب العالمين ..! في النهايه المواطن هو الخسران بين ذمم هالبطانه النصابه :sniper (90): شف هم لو تفكيرهم مثل تفكيرك وتفكيري كان حنا بخير سلمت ولاهنت استاذي الفاضل ..

شكرا حفظك الله...والخطأ لا بد منه في مستند..كلكم خطاؤن...والبشر من عهد آدم الى ان يرث الله الارض ومن عليها في شقى والمفترض ان نحافظ على امننا واستقرارنا والا نسمح لأحد مهما كان ان يزعزع الوطن وان يسب قادته ولكن النصيحة واجبة علينا جميعا..وواقع الامم من حولنا يشير الى خطورة الوضع فالامر يحتاج الى اهل عقول وألبآب متزنه نسأل الله التوفيق لهذا الوطن واهله ...وموضوع راقي ويحتاج الى رعاية تامة وياهلاوغلا باصايل الخير

[اصايل]

حياك المولى الادميرال

نورت

[اصايل]

والمفترض ان نحافظ على امننا واستقرارنا والا نسمح لأحد مهما كان ان يزعزع الوطن وان يسب قادته ولكن النصيحة واجبة علينا جميعا

صدقت والله الشاهد علىَ انه الوطن يهمني واخاف على مصلحته
ودائما نردد اللهم ءامنا في اوطاننا واحفظ بلادنا وولاة امرنا من كيد الكايدين والمغرضين ..
ولم اورد هالمواضيع لمقصد اخر !!
كل المقصد هو في ايجاد الحلول للمصلحه العامه ليس الا ..

فالامر يحتاج الى اهل عقول وألبآب متزنه نسأل الله التوفيق لهذا الوطن واهله ...وموضوع راقي ويحتاج الى رعاية تامة

بالفعل يحتاج لرعاية تامه ومراقبه مشدده والمعنى في بطن الشاعر :)

حياك الله للمره المليون تشرفت بنقاشك الراقي ابو سعد وياهلا ومسهلا ..

[ابوسـعد]

المشاركة الأصلية كتبت بواسطة اصايل صدقت والله الشاهد علىَ انه الوطن يهمني واخاف على مصلحته ودائما نردد اللهم ءامنا في اوطاننا واحفظ بلادنا وولاة امرنا من كيد الكايدين والمغرضين .. ولم اورد هالمواضيع لمقصد اخر !! كل المقصد هو في ايجاد الحلول للمصلحه العامه ليس الا .. بالفعل يحتاج لرعاية تامه ومراقبه مشدده والمعنى في بطن الشاعر :) حياك الله للمره المليون تشرفت بنقاشك الراقي ابو سعد وياهلا ومسهلا ..

هذا هو العشم في بنات الوطن ونسأل الله العون والسداد وان يوفق الجميع لمايحب ويرضى والشكر لك على ماتحمليه من فكر راقي واسلوب متميز ولاشك ان المصلحة العامة تهم الكل واشاطرك التشرف بالنقاش الهادف المتزن وجزاك الله خير الجزاء واثابك على كل كلمة لفظها قلمك في هذا المنتدى وغيره وياهلاوغلا باصايل الخير