الشاعر حمدان العصيمي / ورثائية في الشاعر فيصل الرياحي

[ولد منصور]

#1









الشاعر الكبير / حمدان العصيمي ورثائيه في فيصل الرياحي







..

السلام عليكم ورحمة الله وبركاته

يسرني ويطيب لي أن انقل لكم قصيده للشاعر الكبير / حمدان العصيمي ..
وهي مرثيه في الشاعر العلم الراحل : فيصل بن منصور الرياحي البقمي .. رحمه الله وغفر له
ويوجه هذه الأبيات لأخيه ورفيق دربه الشاعر / شديّد الرياحي ..






يابوفهد ماجور ومعـوّضٍ خيـر
فالنادر الصارم عطيب الضرايـب
لو في يدينـا مايـرد المقاديـر
والله ماتركـز عليـه النصايـب
مار القدر مال البشر فيه تدبيـر
ايدبّره مجـري نسيـم الهبايـب
يالله تجعله مـن الذنـب تكفيـر
وتعل قبره من حقوق السحايـب
وتبدّل ترابـه زهـور ونواويـر
وتعاملـه بمعاملـة كـل تايـب
عبدك ومتحمّل خطايـا وتقصيـر
وانت الذي ترفى الخلل والشوايب
حل بجنابك ضيف واعتادك عصير
ضيفٍ نفاخر فيه حاضر وغايـب
عليـه لبسـاً الحـداد الغناديـر
وضاق الفضاء بمتعبين الركايب
مرحوم يامن سطر المجد تسطير
يانايف الهامه زبـون الصعايـب
مرحوم يامتعب كبار الشواعيـر
ياما على دربك جرى كل هايـب
ابكي ويبكونك جموع وطوابيـر
واكن غيضي لو دموعي سكايـب




وجاء رد زميله الشاعر / شديّد الرياحي




لاهنت ياذخـر الرجـال المناعيـر
الله يعديكـم جميـع المصـايـب
ماعذرتكـم مـن عزانـا معاذيـر
البيض تنصاكم شباب (ن) وشايب
بوجيهكـم للهم والحـزن تأثـيـر
مانعتبركـم غيـر منـا قـرايـب
واجبكم اكبر من جبل حضن والنير
تستاهلون المدح والمـدح صايـب
المـدح يزهاكـم بكـل المعاييـر
في سلم ولا في زمـان الحرايـب
اعلـن وفاكـم ياعتيبـه بتشهيـر
والطيب في كـل القبايـل وهايـب
وامسيت ياحمدان اديـر التفاكيـر
و اقول يادنيـا العنـا والعجايـب
الله ليا منه ومر شئ (ن) يصيـر
يطيب لي ولا علـى غيـر طايـب
وين الرجال اللي تهـز الجماهيـر
ماتوا ولا موت (ن) بليـا سبايـب
منهم رفيق العمر من يومي صغير
كبدي بعـد فرقـاه فيهـا لهايـب
خسروا هل القلطة مع النظم والزير
شاعر كبير وضاري (ن) بالكسايب

[إشراقات]

بيض الله وجهه .. ورحمه الله ..

يعطيك العافيه ..

[إبن ثعلي]

صح السان الشاعر حمدان العصيمي ورحم الله الشاعر فيصل الرياحي ومشكور ياسلطان على نقل القصيدة