۩۩ ربعي عتيبه رمز الامجاد غزه ۩ وهرجي فلا يحتاج قول وبرهان ۩۩

[صالح بن عبدالعزيز]

[align=center]

تحية طيبه وبعد

يسعدني ويشرفني أن أكتب هذه القصيدة المتواضعة مشاركة في مزاين قبليتي " عتيبة "

أتمنى من الله أن ترتقي أبياتي بقراءتكم .. فلكم جزيل الشكر

۩۩ ربعي عتيبه رمز الامجاد غزه ۩۩

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله ياللي خافقن لي يهزه=اللي بذكره ينطرد كل شيطان

ياواحدٍ للمسلم يزيد عزه=يديم جمعتنا على الحب اخوان

ربعي هل الطولات رمز المعزه=اللي لهم في سلم المجد سلطان

اللي يجينا واجب انا نعزه=واللي رحل يبقى عزيزٍ وله شان

لامن لفانا ضيفنا نفزز فزه=نفرح الياجانا من الناس ضيفان

ربعٍ لياجا الجد عزمه يهزه=أفعالهم تظهر على كل ميدان

ربعي عتيبه رمز الامجاد غزه=وهرجي فلا يحتاج قول وبرهان

واللي شقاه الوقت والضيم لزه=يبشر بعزه لانتخى قال عتبان

ومدحي لهم لو هو على كل حزه=ماينقص الثانين لو كان ماكان

في ظل من حبه على الدوم رزه=برواحنا نفديه حضر وبدوان

مليكنا اللي راس الارهاب جزه=واصبح بلدنا ينعم بأمن وآمان

وعضيده اللي للوازم يكزه=يبقى ذرانا من عنا الوقت لو شان

وختامها باعداد نبت ونزه=صلوا على المبعوث للأنس والجان[/poem]

أعزائي

لكم كل الشكر والتقدير والاحترام لمروركم الكريم

أخوكم

صالح بن عبدالعزيز الحمادي[/align]