موقع لأهل البر

[ابوسـعد]

السلام عليكم ومرحبا بالجميع
هذا موقعا أرسله صديقا..اتصلت عليه اسأله عن القبلة قال أرسل لك موقع يعلمك ألقبله وفي أي مكان في البر أو غيره ..قلت في المدن شيء معروف ولكن في البر يمكن نحتاجه خاصة هالايام الطلعات تكثر..وهذا هو الموقع بس لاتنسون تأخذون اللب تب معكم في كل مرة...يقولون ان بعض السيارات الحديثة فيها برامج تحديد المواقع وفي أي مكان عن طريق قوقل ارث.....ويقولون أن بعض الساعات اليدوية فيها هذه الميزة أما الجولات فمؤكد .. والعهدة على الراوي.. .وهذا هو الموقع
http://www.qiblalocator.com/
وبالتوفيق ان شاء الله

[{%نوف%}]

يعطيك العافيه اخوي ابو سعد

خلني مير اعطيه اخواني بدال حركتهم اللي يشخصون علي فيها :p

لا طلعنا البر قام واحد منهم يبل اصبعه ويشوف من وين يطرقه الهوا ويقولي منا القبله :D

[آهات الوله]

[align=center]ابوسعد

جزاك الله الف الف خير[/align]

[ولد الأحرار]

لا هنت ابو سعد ومشكور


ههههههه ام وليد ذكرتيني بواحد من اخواني صغير لاعب في خواتي لعب


بالكذب

[ابوسـعد]

ااهلااااوسهلاااااا{%أم وليـــد%} اما تحديد القبلة عن طريق الهواء فهذه معلومة جديده علي ...الا اذا عرف اتجاه الهواء مقدما هل هو هواء جنوبي او شمالي او شرقي او غربي...اما طريقة اخوانكي الله يحفظهم فهي جديده !!!!!! وكلمة جميلة (من وين يطرقه الهوا) ويقولون (يصفقه الهوا)
وياهلااااابك

[ابوسـعد]

المشاركة الأصلية كتبت بواسطة دلوعة امها وابوها [align=center]ابوسعد جزاك الله الف الف خير[/align]

ياهلااااوسهلاااابدلوعة امها وابوها ومشكوووره على هذا الدعاء الجزل لاهنتي

[ابوسـعد]

المشاركة الأصلية كتبت بواسطة ولد الاحرار لا هنت ابو سعد ومشكور

ولا انت ياولد الاحرار ولاشكر على واجب طال عمرك دوام,,,وياهلاااوغلااا

[صلوا على محمد]

أم وليد والله ضحكتيني

أبوسعد بإذن الله كل واحد يستفيد من الرابط اللي كتبته فالقبله وتحديد الصلاة بيكون لك أجر

(الدال على الخير كفاعله)

بس انا ماعندي لابتوب وجوالي نوعه قديييييييم إلا إذا بتهديني لابتوب أوجوال حديث<--شحته عيني عينك

مشكوور وتسلم على الإفاده حتى لو أنا شخصيا ماإستفدت

[ابوسـعد]

المشاركة الأصلية كتبت بواسطة نوسة أبوسعد بإذن الله كل واحد يستفيد من الرابط اللي كتبته فالقبله وتحديد الصلاة بيكون لك أجر (الدال على الخير كفاعله) بس انا ماعندي لابتوب وجوالي نوعه قديييييييم إلا إذا بتهديني لابتوب أوجوال حديث<--شحته عيني عينك مشكوور وتسلم على الإفاده حتى لو أنا شخصيا ماإستفدت

نوسة ياهلاااا بك....تصدقين والا ..لا...عندنا اكبر محل لهدايا اللاب تبات في العالم..ضع امنيتك هنا وان شاء الله نحققها لك في اسرع وقت ممكن...بمعنى..ارصده يادغام...
لو في يوم من الايام شافنا اللاب تب ينحاش مع النطاقه!!!...ترى النطاقه هي الفرجه.. مثل ما قال الشاعر الهزاني
منزل هيا له فرجة بالشمالا= باب مع القبله وباب مع الشرق
وان شاء الله تستفيدين منه في المستقبل القريب...ترى الموضوع يبى يتطور الى تحديد اماكن ((عظيم سرا)) وياهلاااا

[نسمة غلا]

سلمت اخوي ابو سعد

وموضوع رائع

بس عسى الله يجيب المطر

علشان يتهنى اهل البر بالبر

ويجعل الارض ربيع