وش حاجتك في قرب رديان العرب ونجوسها

[هاويه حزن]

[align=center]وش حاجتك في قرب رديان العرب ونجوسها

--------------------------------------------------------------------------------

تقـدم الدنيـا لنـا درس ٍ جديـد بـكـل يـــــــــوم
والناس تسلم من غثا الدنيـا بحفـظ دروسهـا !!

وعلى حسب حفـظ المواجيـب وتعاليـم السلـــوم
نعـرف مقاسـات البشـر بالمرجلـه ونقوسهــــا

صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشيـن نفوسهــــــا

تطرد ورى الدنيـا وتكشـخ بالمواتـر والهـــدوم
مثل ( الحريم ) أغلب دراهمهـا علـى ملبوسهــا

والإمعـه والشايـب الكـذّاب وضعيـف العــــــزوم
ناس ٍ مع العالم بـلا هيبـه تدربـي روسهـــــا !!

والبخل : خلاّنـه بهايـم !! لا تسـام ولا تســــــوم
لا شفتها ترفـع يـدك حمـد وشكـر وتبوسهـــــا

على الصحن هم أول الجلاّس وآخـر مـن يقـــوم
يعيّفـك حلـو الاكـل والشـرب طـول جلوسهـــــا

ماهيـب للـلازم سنـد ولا ذخـر عنـد اللـــــــزوم
تمـوت ماسـرّك مهايطهـا وكـثـر فلوسـهــــــا

وسوالف الخبلان .. رفعة ضغط وصداع وهمـوم
فـلاوة ٍ تخطّـف من علـوم الـعـرب وتحوسـهـــــــا

وربع المصالـح والمجامـل خـوة ٍ ماهيـب دوم
اقولهـا والتجربـه قطـع وريــدي موسـهــــــا

وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـــا

وإليا احتمت صكّات بقعا وامست علومـك علـوم
اتلـوّي خششهـا وتجحـد خوّتـك وتدوسـهـــــا

من عقب ما انت الطيّب وقدرك معـزّز ومحشـوم
تصيـر اردى مـا خلـق ربـي ودم ضروسهــــــا

أبعد عن الأشكال ذي .. بعد الثرى عـن النجـوم
وش حاجتك في قرب رديـان العـرب ونجوسهـا

ماهوب عيب إليا عزموك تقول يالربع .. معزوم !
العيـب : لارحـت لعزايمهـا وجيـت عروسهـــــــا

وخلّـك فطيـن تعلّمـك دنيـاك درس بكـل يـــــوم
والرجل يسلم من غثا الدنيـا بحفـظ دروسهــــا !!


منقوووله[/align]