|
|
المشاركة الأصلية كتبت بواسطة عبدالله المرشدي
الالفيه الاولى آمل ان تنال رضاكم
[poem=font="Simplified Arabic,6,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
الفٍ اولـف مـن جزيـل المعانـي=ابـدا بذكـر اللـي لدينـه هدانـي
اللي خلقني فـرد وانطـق لسانـي=الواحـد القهـار عـلام الاســرار
والبا بعد ذكر الولـي نبـدع القيـل=مما طرى بالبـال زيـن التماثيـل
مثايـلٍ معهـا تـزيـن التعالـيـل=من واقع التجريب لصغـار وكبـار
والتا تـرى الدنيـا قصيـرٍ مداهـا=لذاتهـا تفنـى ويبـقـى عنـاهـا
الرابـح اللـي باعهـا ماشـراهـا=والخاسر اللي ظنهـا تالـي الـدار
والثا ثبت بالعرف والعقـل والديـن=من عصر ابونا ادم لياوقتنا الحيـن
ان الخلايـق كلبـوهـم مقفـيـن=كلٍ يجيه الموت قصـاف الاعمـار
والجيم جنـة عـدن للـي يبيهـا=يعمل لهـا وان راد ربـي يجيهـا
واللي تجيـه الموعظـه مايعيهـا=خطرٍ عليه ان مـات يـروح للنـار
والحا حبيب الروح سيـدي محمـد=الصـادق اللـي بالرسالـه معمـد
مـن عنـد ربـي للخاليـق تعمـد=عليـه صلـو عـد ماطايـرٍ طـار
والخا خسر من ضيع زمـام دينـه=تلقـى حياتـه كلبـوهـا غبيـنـه
يطرد ورى الهزله وينسى ألسمينـه=يمشي على عمياه في وسط الإخطار
والدال دل القلب في مسلـك الخيـر=خله على درب الشرف يحكم السيـر
لاتلتفت للـي بدالـك مـن الغيـر=خلك على منهج طويلٍيـن الاشبـار
والذال ذل النفـس طاعـة هواهـا=وحرمانها من غيهـا هـو دواهـا
والرجـل لا فكـر بعقلـه قـواهـا=لا قادهـا تنقـاد ماهـو بمحـتـار
والـرا ربيـع العمـر لا لا يفوتـك=اغنم شبابـك قبـل ميعـاد موتـك
اعمل على دينـك واقتـات قوتـك=اغنم شبابك قبـل تهـرم وتنهـار
والزا زهابك فـي مسيـرة حياتـك=حافظ على دينـك واتقـن صلاتـك
صم واذكر الرحمن وادفـع زكاتـك=اقض الثواني بين تمجيـد وأذكـار
والسين سـرك لاتذيعـه وتنحـاس=ان كان ودك دايمـا ترفـع الـراس
لاتشتكي همك على اقـرب النـاس=اشتك لمن هو يعلم السـر وجهـار
والشين شب النار واكـرم ضيوفـك=حتى ولـو مافيـه حـيٍ يشوفـك
لاجـل المسيـر مايمـر ويطوفـك=يلفيك لامن شـاف بالبيـت خطـار
والصاد صيدك لايضيـع بعجاجـك=خل القناعـه راس مالـك وتاجـك
وفي طاعة الرحمن فلـة حجاجـك=لاترهق النفـس الشقيـه بالافكـار
والضاد ضد الهم بالصبـر لاطـال=ترى همومك تالـي الصبـر تنـزال
اصبر على ماجاك في كل الاحـوال=تكسب اجر وتفوز لاصـرت صبـار
والطى طبايع خلـق ربـي تفـاوت=لوكان في بعض الوصايف تسـاوت
رغباتها ما تستـوي لـو تخـاوت=الا بحب المـال فـي كـل الاقطـار
والظـا ظنونـك لاتخيـب برفيقـك=رفيقك اللي معـك لاخـر طريقـك
احسن ظنونك لو بدى مـا يضيقـك=ترى الخوي يحتاج حشمه ومقـدار
والعين عينـك غضهـا لاتمشيـت=ترتاح في ممشـاك لامـن تعديـت
ترى النظر ممنـوع لامـن تمديـت=لك نظـرةٍ وحـده ولا فيـه تكـرار
والغين غادي مـن تشيـن بجـاره=البـر بالجيـران ماهـو خـسـاره
حافظ على حالـه ومالـه وعـاره=ترى النبي وصى على سابع الجـار
والفـا فـوادك اعمـره بالمحـبـه=ترى الجفا والبغض للضيـق سبـه
والحقد خلـه فـي طريقـك مطبـه=سلم على من شفت ياطيـب الكـار
والقاف قف عند الامـر والنواهـي=لاتصير طول العمـر دالـه وفاهـي
مايفهم المطلوب من كـان ساهـي=ماينفع اللي طاح ترتيـب الاعـذار
والكاف كيف الراس شوف الطبيعـه=لاضقـت روح للفجـاج الوسيعـه
واللـي يبيعـك لازمنـك تبيـعـه=ابعد عن اللي لاقضى حاجتـه بـار
والام لـم المشكـلـه بالتفـاهـم=وفي جمعة الاخوان حـاول تساهـم
تـرى المجـادل مايفيـدك يافاهـم=بكره يبيـن الحـق والوقـت دوار
والميـم ميـدان المراجـل مشـرع=للي عـن الهفـوات دايـم تـورع
اصبـر وثبـت خطوتـك لاتسـرع=ترى التسرع ميزتـه دايمـا ضـار
والنون نوم الصبح مامنه مصلـوح=السهر لامن طال ماهوب مسمـوح
لاتصير كنك جذع خاوي ومطـروح=اسعى لكسب الرزق مع وقت الاسفار
والها هوى نفسك حـذاري تجاريـه=تتعـب وتتحمـل كثيـر المشاريـه
درب الهوى والغي تتعب مساريـه=واخر مطافه منـزل الـذل والعـار
والواو وقف مـع ضميـرك شويـه=واستحضر النيات فـي كـل شيـه
خل الحسانـي تتيـع الكـل سيـه=امح الخطا بالصح لو صار ماصـار
واليا يقول المرشدي باخـر القـاف=زبدة كلامه عقـب مافكـر وشـاف
ترى حياة الـذل والضيـم تنعـاف=والعاقبه للي عـرف كيـف يختـار[/poem]
عبدالله مرزوق المرشدي
|
المبدع القمه جزل القصيد ..
شهادتي بالمبدعين مجروحه
وانت مبدع
بيض الله وجهك ولا هنت يالقرم
الفيه من العيار الثقيل
..,,..صح لساانك مليووون ..,,..
تحياتي
اختك القاسميه ..
| 
|
09-12-2006, 04:32 AM
المواضيع المتشابهه
العرض العادي
