الأوضاع ما زالت تحت السيطرة ..!

[سلمان المالكي]

عَجِّل .. ترى إعْيوني بتفقد نظرْها ..!

يَـعْـنـي أحِـبَّـك .. غِـبْـت عَـنّــي تِـغـلّـيـت

مَـا تِـدْري إنَّ الـروح تِـشْـكِـي مـرضْـهـا

الله يــغْـفِـــر لَــك .. حَـبـيـبـــي تِــعـنَّـيـت

واللي أمَـرْنــا بـالــصــلاة وفـــرضْــهــــا

مِـشْـتـاق لِـك .. يـا نــور عيني وحَـنَّـيـت

شَــوق الـصّحَـاري للـغــيــوم ومـطرْهـــا

مِشْـتاق لِك والشَّوق في الشِّعـر له بـيـت

مِـشْـتـاق لِـك .. والـعـيـن تَرْقِب قَـَمَـرْهـا

أتْـعَـبْـت وجْـدانـــي .. وبـالـحـرف لـبَّيـت

هـــذي مِـقَـاديـــري .. وهــــذا قِــدرْهـــا

مَـغْـلـيـت غـيــره فـي المِخاليق مَـغْـلَـيـت

مَـا عَـاد يـفْـرِق يـومَـهــا مِـن شَـهَـرْهــا

طـمِّـن .. عَـسَـى في شوفتي مَا تِـمـنَّيـت

عَـجِّـل .. تَــرى إعْيوني بتفْقِـد نـظـرْهـا

حَــاول .. عَـسَـانـي مَنْحِرِم لـوْ تِـرجِّـيـت

طَـلْـعَـتـكْ تَـجـلـي مِـن عيونـي كــدَرْهـــا

إيْ والله إنَّـــك فــي غـيـابَــك تِــعَــدِّيـــت

واللي فَطَـر روحَك .. وروحي فَطَـرْهـــا

يالله عَسَاني يا هـوى الـروح مَـخْـطَـيـت

والــنَّـفْــس لوْ تِـخْطِـي .. فهذا عِـذُرْهــا

يعْـنـي أحِـبَّـك .. غِـبْـت عَـنَّــي تِـغَــلَّـيـت

مَـا تــدْري إنَّ الــروح تِشْكِـي مَـرَضْـهـا

......................

تحيّة الورد الطائفي للجميع
سلمان المالكي