بسم الله الرحمن الرحيم
أيها الأخوه الأعزاء تضامناً مع قواتنا المسلحه وتلبيةً لدعوة أخونا/ شيخ الشيوخ
إليكم هذه المشاركه المتواضعه والله ماهيب اللي فالخاطر لاكن
إن أعجبتكم أقبلوها وأن ماأعجبتكم أحذفوها وأعذرون
[poem=font="simplified arabic,6,red,bold,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black""]
لبيه يادار الوفاء لبيه = من الشمال لحد جيزاني
بأموالنا وأرواحنا نفديه = تحت أمر عبدالله وسلطاني
مانستحقه كان مانحميه= قد قالها قبلي كحيلاني
مسس قواعد هالوطن بانيه = عبدالعزيز أمزبن الجاني
يالله ياللي كلنا نرجيه= تجزاه بالجنه يارحماني
واللي غزى للدار طامع فيه= حوثي ومتسلل وخواني
أغوته نفسه أو حدن مغويه= وأمسى عشى لسباع دخاني
كلن بمايقدم نبا نجازيه= حقه يجيه بدون نقصاني
يبشر له بصاروخ(ن) يوطيه = بين أصفهان وبين طهراني
وإن عاد عدنا عودةٍ تنهيه= نبا بالآول نلحق الثاني
أما النصر ولا الشهاده إيه= هبوا لها ياطوال الأيماني
والقاف تم خانمة تاليه= صلوا معي على أفضل إنساني [/poem]
وسلامتكم
والمعذره