العودة   منتديات عتيبه > الأقسام الشعرية والأدبية > منتدى الشعر الشعبي المنقول

منتدى الشعر الشعبي المنقول لطرح الشعر الشعبي المنقول والمساجلات الشعرية

إضافة رد
كاتب الموضوع جزاء العتيبي مشاركات 4 المشاهدات 1322  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
قديم 03-19-2010, 11:31 AM   #1
معلومات العضو
عضو مشارك

رقم العضوية : 2238
تاريخ التسجيل: Nov 2005
مجموع المشاركات : 83
قوة التقييم : 19
جزاء العتيبي is on a distinguished road
(عديت رجم ٍمن طوال الشواهيق ) لشاعر شباب العضياني

بسم الله الرحمن الرحيم
أنقل لكم هذه القصيدة لشاعر / شباب بن فايح العضياني

[poem=font="simplified arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عديت رجم ٍمن طوال الشواهيق=ابااتدلهبه لياضاق بالي
وذكّرعلي الرجم نضم الطواريق=شوف الدياراللي ربوهاالاهالي
وهلت عيوني بالدموع الغواريق=وقمت اتخيلهم بشوف ٍخيالي
قطعانهم ترعى رطيب الزماليق=وبيوتهم فيهاالذرى والظلالي
يفرحبهاالطرقي ليانشف الريق=الياحدنه موحشات الليالي
يلقى رجال ٍتحرق البن تحريق=وغيرالشحم والكيف حسن القبالي
ماعندهم للضيف خصة وتفريق=الاجنبي مثل الرفيق الموالي
ياماحلا دقلت ضعنهم لياسيق=مع درب وسمي ٍصدوق الخيالي
لياعطاالله من صدوق التحاقيق=و قرّت هبوبه والخيال متتالي
ثم جاهـم العساس وهـمه مشافيق=وذكرلهم عشب ٍغديره زلالي
وشالوا على اللي ينقلن المعاليق=يازين سوق مدحملات الجمالي
العصرفي واد ٍفياضه مغاديق=فيهازهورالعشب مثل الوزوالي
وتغانمودمث المنازل مشاويق=في ارض ٍعذا توه من السيل سالي
بسمرالبيوت مخللات الاراويق=سود ٍتشيّد مثل سودالحيالي
وتوافدوفي مجلس ٍيبعدالضيق=وجاللسوالف بين اهلهامجالي
سوالف ٍجزله ومصدرمواثيق=بين الرجال اهل العلوم الجزالي
وكيف ٍيحوفونه عيال ٍمطاليق =ناره شعام وحس نجره يلالي
يعمل برسلان ٍسوات الغرانيق=ومخالط ٍلون البياض اشتعالي
فنجاله اشقركن لونه لياسيق=كنه بوسط الصين دم الغزالي
ماصفروا وقت الضحى فالمشاريق=مصباحهم في نايفات الجبالي
تفاقهم يطرح طوال المعانيق= لياعروجن بارقابهن للتوالي
بمسلبات ٍكنهن الغرانيق=ميقاعهن سيرالنحروالكحالي
بايمان شعوان العيال التفافيق=اللي لهم فالطايلات امتثالي
من اولاد روق اللي تفك المواسيق=قطاعة الفرجه جنوب وشمالي
ومن حرة الروقة لياشمّخ طويق=ترعابهم شيب الغوارب اعجالي
ترعى نبات ٍقبلهم قفرماذيق=واهـمه جنبهافوق قب ٍغوالي
حامينهابموصلات المزاريق=ودهم الفرنج ومرهفات السلالي
تاريخهم يشهد لقولي بتصديق=وتشهدلهم دار ٍخذوها احتلالي
قدام حكم مطوعين المطافيق=اللي لهم هيبه وحكم ٍعدالي
بالسيف الاملح طوقونجد تطويق=وعنها ظلال الشرك والخوف زالي[/poem]

وسلامتكم

التوقيع : جزاء العتيبي

لاضاق صدر الرجل من حمل سره = حذراه يلحق كاشف السر شرهات
جزاء المدهك العتيبي
جزاء العتيبي غير متواجد حالياً   رد مع اقتباس
قديم 03-19-2010, 11:59 AM   #2
معلومات العضو
||كلَي شموخ||

{لاتـ ع ـاند الحِر ياطير الحمَامـ }

الصورة الرمزية ||كلَي شموخ||
رقم العضوية : 18767
تاريخ التسجيل: Oct 2009
مجموع المشاركات : 1,472
الإقامة : في قلب مغليها
قوة التقييم : 17
||كلَي شموخ|| is on a distinguished road

جعلك ســالم
أبيات رائعه
لاهنتــ ع النقل

التوقيع : ||كلَي شموخ||
||كلَي شموخ|| غير متواجد حالياً   رد مع اقتباس
قديم 03-19-2010, 12:29 PM   #3
معلومات العضو
فهيد مقعد الرويس

شــاعر قـــديــر

رقم العضوية : 5783
تاريخ التسجيل: Dec 2006
مجموع المشاركات : 3,399
قوة التقييم : 24
فهيد مقعد الرويس is on a distinguished road

الله الله

صح لسان شباب ملااااااااااااايين

ولاهنت ياجزاء على اتحافنا بهذه الرائع

التي تجعلنا نتطلع للمزيد من قصايد شباب

تحيتي وتقديري

فهيد مقعد الرويس غير متواجد حالياً   رد مع اقتباس
قديم 03-19-2010, 05:19 PM   #4
معلومات العضو
عبدالحليم
عضو جديد

الصورة الرمزية عبدالحليم
رقم العضوية : 20534
تاريخ التسجيل: Mar 2010
مجموع المشاركات : 39
قوة التقييم : 0
عبدالحليم is on a distinguished road

جزاء
تسلم على النقل
تحياتي

التوقيع : عبدالحليم
أفنوهم بنو عتيبة ابن الأحيمر فرسان هوازن =
بيوم من أهواله يخمر الفتى وهو ليس مخمور

أصحاب البائس الشديد وشربو من دمائهم =
وبائس هوازن شديد و في القرآن مذكور



هذه الأبيات للفارس عتيبة ابن الأحيمر
جد قبيلة عتيبة
وأشعاره في هذا المنتدى على هذا الرابط
عبدالحليم غير متواجد حالياً   رد مع اقتباس
قديم 03-20-2010, 04:06 PM   #5
معلومات العضو
جزاء العتيبي
عضو مشارك

رقم العضوية : 2238
تاريخ التسجيل: Nov 2005
مجموع المشاركات : 83
قوة التقييم : 19
جزاء العتيبي is on a distinguished road

كلي شموخ
شكرا على مرورك الكريم
تحياتي

جزاء العتيبي غير متواجد حالياً   رد مع اقتباس
إضافة رد

العلامات المرجعية


أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع




Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها