تبطي عظــم !!!

[رغدالشيباني]

[poem=font="Simplified Arabic,5,black,bold,normal" bkcolor="transparent" bkimage="backgrounds/30.gif" border="none,4,gray" type=1 line=0 align=center use=ex num="0,black"]
قالو بأن اللي نجح فالفيزياء طالب كسول= لكن خلفه واسطه واللي يبيه يحصله
شايله كبر الجبال ولاتعزويت الخبول=وفي أمتحاني مانسيت المسطره والمنقله
أسكت على شتـم العميده كن مدري وش تقول= ياخوفي توريني الشده وأذوق البهذله
قلتها مانــي كذوبه ...قلتـها مالــي فضــول= الواسطه تملك وتضّمن للغبي مستقبله
الواسطه صارت قضيه بعده أجزاء وفصول=الواسطه ترفع قليل الشان لأعلى منزله
ونفوسٍ رضت من رداها فالمذله والنزول=صعبٍ على اللي يدمحون الذل منع المهزله
قد ينطق المجنون من الحكمه لأرباب العقول=ياما أخذنا من المجانين الحكم والامثله
والله يامكرهني لحكي المغفل والزعول= يشوف نفسه ناصح ودرب النصيحه يجهله
تبطي عظم ياللي على النزوات أسرجت الخيول =اللي يتطاول بالخطأ مافيه ذره مرجله
نبغا نعود لسالفتنا اللي بلاساس وأصول=والا الخطأ مافيه نفساً ترتضيه وتقبله
مرات أقول الواسـطه نعمه وفي مرات أقول = أكبرجريمه في ملفات الغباء مسجله
وشعيل ربي خالقــه مع طلـعة الدنيـا ذلـول=أنشال حمله ثّقله وإن كب حمله مشكله
وتبطي عظم ياللي تحسب أن العلا سهل الحصول=وتبطي عظم ياللي تحسب المجد تمراً تأكله
للذكا والطيب والفطنه علامات ودلول=سبحان من يعلم بما تخفي الصدور وتحمله [/poem]