كلن نهار العيد عايد حبيبه

[شيخ الشيوخـ]

كلن نهار العيد عايد حبيبه
و إلتم شمل اهل القلوب المواليف


و انا حبيبي غايب الله يجيبه
يا حسرتي و ان غلق العيد ما شيف


مصيبتي يا كبرها من مصيبه
لاشفت غيري في اناسه و تكييف


فرقا الاحبه ياجماعه صعيبه
تالي العهد بصويحبي العام فالصيف


يا وين اشوف اللي وصوفه عجيبه
ويلي عليه و لو لحقني تكاليف


ارب قلبي منه يبري لهيبه
لااشاهده يا ناس يستانس الكيف


جعله نصيبٍ لي و انا من نصيبه
هذا منى قلبي و من غيره امعيف


المستريح اللي حبيبه قريبه
ما هوب مثلي عيشته بالتكاليف


من لامني فالزين ربي حسيبه
تلوم قلبي في حسين التواصيف؟


كف العذل ماطيع ماهي غصيبه
ما تدري ان راعي الهوى قلبه اصخيف؟




الشاعر / علي القحطاني

[محمد الأسعدي]

صح الله لسانك يا شيخ الشيوخ
ولسان الشاعر

الله يعطيك العافية...تقبل مروري

[اصايل]

صح نقلك يالشيخ


لاهنت

[الكااااســـر]

صح لسانك ياشيخ الشيوخ
في قمة الابداع
يعطيك العااافيه وتقبل مروري

[شيخ الشيوخـ]

مشكورين

لاهنتو على المرور.

[سلمان]

المستريح اللي حبيبه قريبه
ما هوب مثلي عيشته بالتكاليف


من لامني فالزين ربي حسيبه
تلوم قلبي في حسين التواصيف؟




صح لسانك ولسان شاعرها يا شيخ الشيوخ

بس سؤال مطلعها موب غريب كني سامعها قبل


وعلى العموم الله يعطيك العافيه

اختيار رائع وجميل

يا الشيخ

تحياتي لك

[بنت شمرالطنايا]

صح لسان شاعره ولا هان ناقله

يعطيك العافيه

اختك بنت شمر الطنايا

[乂صـواعب乂]

صح لسان شاعرها

وتسلم يد ناقلها ،،

يعطيك العافيه يالشيخ على الاختيار الرائع

ونتريا الزود من صوبك..

تحياتي وتقديري..

[شيخ الشيوخـ]

لاهنتو على المرور
والقصيده مشهوره ياسلمان ومطلعها معروف
اشكر الجميع على المرور
كل عام وانتم بخير.

[النجم الأصيل]

قصيدة رائعة جدا

مشكور على النقل يالشيخ