مأذون شرعي وتسعين ألف وشهود .. أنهت مواصيل الغرام ومحتها :(

[نظره خجوله]

مامثلي احد


"


طرح رائع ويلامس واقعنا 100% .. فعلا ماعاد فيه رحمه ابدا وكلام البنات قدام بعض شوش افكار الكثير وكل وحده تبي مثل الثانيه وازود واللي رايح فيها هالمسكين :(


"

شكرا لك ..

[شـوآق]

مامثلي احد

والله ياخوك المهور معاد هي مثل اول ., هياط اول انتهى خلاص
لنا اللحين اكثر من خمس سنين والامور يالله لك الحمد ., وانا ماتكلم من فراغ شايف بعيني


( وسالفه الفندق ومهر 80 وسواق وشغاله )
صدقني هذي حالة نادرة ومايقوم فيها الا عائلات الدخل العالي والعالي حييل بعد .,


خلني اببسالك وقلي ؟
عمرك حضرت عرس احد تعرفه بفندق ؟؟؟
مره ؟ مرتين ؟



لاتقول عندنا بـ ( نجد ) غالي

المهور معاد هي مثل اول وصدقني لو خويك بحث راح يحصل ناس تشتري رجال

ماراح اقولك يشترونه بلاش اكييد راح يعزون بنتهم وهذا من ابسط حقوقهم
لكن اذا طلبو راح يطلبون مهر غير مبالغ فيه



واسمح لي ارجع لـ سالفه الخدامه

ماذكر سسمعت وحده مخطوبه تطلب خدامه الا اذا هي بنت الماما وماعمرها دخلت مطبخ
اللي اعرفه وبداء ينتشر بعد ماتجيب اول ( مولود ) تطلب وهالظاهره توها باديه بعد





ع العموم ياخوك

انصصح خويك يجنب عن انسباء الهياط اللي راح لهم .,
وقله يحمد ربه انه مانكب معهم لان بالاول والاخير ( الكتاب واضح من عنوانه ) ماراح يستمر طالما هذي بدايتها وشروط اهلها



قله يدور ع ناس يدورون الستر لـ بناتهم وتراهم واجد
واذا هو صاحب دين وصلاه صدقني راح تنفتح بوجهه عن قريب اهم شي يطلب الله ان يعطيه ع قد نيته
ويرزقه فـ بنت الحلال اللي تصونه وتقدر ظروفه






/

سامحني ع الاطاله
تحيتي

[عهود]

إن كان قلبه طربق يوم شاف البنت ولا عاد يبي إلا هي مثل ماقلت خــــــــــــــلاص يتحمل ربي يكون في عونه

كنت أسمع فـ المسلسلات المصريه بالمؤخر وأضحك لاقالت الممثله لطليقها ادفع المؤخر اللي عليك انت نسيت والا ايه

جاء اليوم اللي يطبقون هالشي في مجتمعنا ههههههههههاااي ولا هو كل العوايل البعض منها

يا الله بـالـتــوفـيـق

شــــكــراً ــ مامثلي أحد

[مامثلي أحد]

-

المشاركة الأصلية كتبت بواسطة اصايل الناس الان يشترون الرجال وماعليهم من الدراهم :) كثير من الاسر ماتتشرط وصاروا يتنازلون كثير ..!!

أتمنى هيك
أتوقع أن هالفئة قلة اللي تدرك مصلحة بناتها و تفكر على هالأساس
لأن الغالبية غرتهم المظاهر وطغت على فكرهم ورؤيتهم للأمور من حولهم كان الله بالعون

المشاركة الأصلية كتبت بواسطة اصايل وكان من المفترض اول ماجيتوا تخطبون تعلمون الاب بوضعكم عشان يكون على بينه :)

الأب رازن الورقة بوجيهنا قبل لا يسألنا عن وضعنا
و يقول العلم عند الربايع .. وهو وش موقعه من الإعراب في عائلته الكريمة .. أنا إلى الآن ما أدري
والله ياكم مرة راودتني نفسي أن أصمخ بالفنجال على جبهته عشان يعرف وش معنى العلم عند
الحريم وهو ماعنده شيء

المشاركة الأصلية كتبت بواسطة اصايل الله يكتب لكم الخيره ..

اللهم آمين
حياك أصايل

[مامثلي أحد]

-

المشاركة الأصلية كتبت بواسطة وجودك يكفي الله يكون بالعون مامثلك احد لاهنت على الموضوع والله يعطيك العافيه احترامي

اللهم آمين
لاهان غاليك ومغليك يابعدي
يعافيك ويبقيك وجودك

[مامثلي أحد]

-

المشاركة الأصلية كتبت بواسطة نظره خجوله مامثلي احد " طرح رائع ويلامس واقعنا 100% .. فعلا ماعاد فيه رحمه ابدا وكلام البنات قدام بعض شوش افكار الكثير وكل وحده تبي مثل الثانيه وازود واللي رايح فيها هالمسكين :( " شكرا لك ..

حنا ماضيعنا إلا بعض البنات
و فكرهن الشاطح الله الهادي


العفو
حياك نظرة

[مامثلي أحد]

-

المشاركة الأصلية كتبت بواسطة شـوآق مامثلي احد والله ياخوك المهور معاد هي مثل اول ., هياط اول انتهى خلاص لنا اللحين اكثر من خمس سنين والامور يالله لك الحمد ., وانا ماتكلم من فراغ شايف بعيني

شيء جميل
أتمنى والله

المشاركة الأصلية كتبت بواسطة شـوآق ( وسالفه الفندق ومهر 80 وسواق وشغاله ) صدقني هذي حالة نادرة ومايقوم فيها الا عائلات الدخل العالي والعالي حييل بعد ., خلني اببسالك وقلي ؟ عمرك حضرت عرس احد تعرفه بفندق ؟؟؟ مره ؟ مرتين ؟

أيه و أنا أخوك ( علية القوم ) عندنا يحطون عروسهم بفنادق وزين لا ذكروا أخوك وعزموه
تلقاني قبل عرسهم بشهر وأنا ما أغير أرش الكلونيا على ثوبي اللي ماخذه سلف من واحدن من ربعي كود أترزز به عندهم
لا ومن زود الحرص أكتب تاريخ العرس على جدار المقلط عشان ما أنسى

المشاركة الأصلية كتبت بواسطة شـوآق لاتقول عندنا بـ ( نجد ) غالي المهور معاد هي مثل اول وصدقني لو خويك بحث راح يحصل ناس تشتري رجال ماراح اقولك يشترونه بلاش اكييد راح يعزون بنتهم وهذا من ابسط حقوقهم لكن اذا طلبو راح يطلبون مهر غير مبالغ فيه

هذا المفروض وبين المفروض والواقع بون شاسع
الله يقرب المسافات بينهم ويريحنا من المشاوير

المشاركة الأصلية كتبت بواسطة شـوآق واسمح لي ارجع لـ سالفه الخدامه

تفضل ياحيي

المشاركة الأصلية كتبت بواسطة شـوآق ماذكر سسمعت وحده مخطوبه تطلب خدامه الا اذا هي بنت الماما وماعمرها دخلت مطبخ اللي اعرفه وبداء ينتشر بعد ماتجيب اول ( مولود ) تطلب وهالظاهره توها باديه بعد

الحين يطلبن يابعدي
ومو حكاية بنت الماما وياي مسوية مأعرف أطبخ وكذا .. لا
البنات الآن فعلاً رفل الله لا يبلانا .. حتى كاس شاهي مايعرفن يسون
ومن هالمنطلق قصدي هالعيب اللي فيهن صارن يطلبن شغالات
عشان مايتفاجئن لين طلب منها الزوج بلعة و لينها متفشلة ماتعرف تدبر شيء في المطبخ

المشاركة الأصلية كتبت بواسطة شـوآق ع العموم ياخوك انصصح خويك يجنب عن انسباء الهياط اللي راح لهم ., وقله يحمد ربه انه مانكب معهم لان بالاول والاخير ( الكتاب واضح من عنوانه ) ماراح يستمر طالما هذي بدايتها وشروط اهلها

البنيه قد شافها الرجال و صامل يبيها باللي هي به .. يقول ياهي يا ماعاد أبي أتزوج
والرجال صايرن وجهه منعفط ماعاد هو بالأولي شايلن هموم الدنيا فوق راسه
والله ماعندي إلا موتري كودي أبيعه ويسنع به أموره
صديقي الصدوق ما أبي أفقده .. يقطع الحب وسنينه

المشاركة الأصلية كتبت بواسطة شـوآق قله يدور ع ناس يدورون الستر لـ بناتهم وتراهم واجد واذا هو صاحب دين وصلاه صدقني راح تنفتح بوجهه عن قريب اهم شي يطلب الله ان يعطيه ع قد نيته ويرزقه فـ بنت الحلال اللي تصونه وتقدر ظروفه

الله يفتحها بوجهك وأنا أخوك
و يزقنا وإياك الصالحات

المشاركة الأصلية كتبت بواسطة شـوآق / سامحني ع الاطاله تحيتي

حياك شواق
نورتني وربي

[مامثلي أحد]

-

المشاركة الأصلية كتبت بواسطة عهود إن كان قلبه طربق يوم شاف البنت ولا عاد يبي إلا هي مثل ماقلت خــــــــــــــلاص يتحمل ربي يكون في عونه

المشاركة الأصلية كتبت بواسطة عهود كنت أسمع فـ المسلسلات المصريه بالمؤخر وأضحك لاقالت الممثله لطليقها ادفع المؤخر اللي عليك انت نسيت والا ايه جاء اليوم اللي يطبقون هالشي في مجتمعنا ههههههههههاااي ولا هو كل العوايل البعض منها

ما فقع تسبدي من السالفة كلها إلا هالمؤخر مدري وش نوحه
لا و الطامة 150 ألف .. عز الله ما طلق لو تنشب بحلقه مثل الشوكه ههههههه

المشاركة الأصلية كتبت بواسطة عهود يا الله بـالـتــوفـيـق شــــكــراً ــ مامثلي أحد

يوفدزك ياحئ
العفو وحياك عهود