صدر الشمالي روووووووووووووووعه

[بنت شمرالطنايا]

أتمنى ان تنال على ذائقتكم"
صح الشمالي صدره أوسع من الكون..!!
بس إنتبه لاضاق صـدر الشمالـي..!!
وصح إنك الغالي وأنـا فيـك مجنـون
بس إنتْ ماقدرت من قـال : غالـي..!!
خيبـت هقـوات ٍ كثيـرات وظـنـون
وأخلفـت ماكـان بخيالـي .. وبـالـي
وخليت كـل النـاس عنـدي يقولـون:
" مسكين يمشـي بالهـوى دون والـي"
والناس ناس..!! وأكثر الخلـق يـدرون
باللي معك صايـر .. وماقـد مضالـي
كم قلت لـك لاتفعـل اللـي يسـووون
خلك معـى مخلـص .. بـأول وتالـي
كم قلت لك إترك هل الهـرج يحكـون
وأرفـع مقـام الحـب .. دايـم بعالـي
لأن الهوى مبدا.. وحكمـه .. وقانـون
شي ٍ كبير .... وشي .. شـي ٍ مثالـي
الله لو تـدري إليـا غبـت وشلـون ؟؟
حالي ... إليا من غبت .. وشلون حالي
لارحت ضلعي من عنا البعـد محـزون
حتى منامـي ... لاحشـا ... ماهنالـي
وإن جيتنـي دمـي وروحـي يغنـون
"دبكة غلا " .. من بعد طـول إنشغالـي
واليـوم مانـي فيـك مغـرم ومفتـون
اليوم أنا فـي غيبتـك صـرت سالـي
مالك ومالي .. منتْ للخافق تمـون ..!!
وإنْ قلت : ليه .. أقول : مالك ومالـي
وأكيد لـك رجعـه وأنـا اكيـد _بكـون
أحرقـتْ صفحاتـك ولا لـك تـوالـي
وبسّمعـك( أحـلام ) لاجـرت لحـون
(( وش ذكرك حب ٍ طوته الليا لـي ))
نعم طويتك .. والغـلا مـات مطعـون
حتـى خيـالـك بقتـلـه لاطـرالـي
ملعون أبو قلبـي إذا جـاك .. ملعـون
وأنـا معـرب مـن عمـام وخـوالـي
انا شمالي صدري أوسـع مـن الكـون
بس إنتْ .. ماخليت صدري شمالي..!! ...

[الوحداني]

أنا شمالي صدري اوسع من الكون
بس انت ماخليت صدري شمالي




ونعم والله باهل الشمال كلهم.







صح السان قايلها وسلمت انامل ناقلها





مشكوره بننت شمر على الطرح الجميل

[بنت شمرالطنايا]

المشاركة الأصلية كتبت بواسطة الوحداني أنا شمالي صدري اوسع من الكون بس انت ماخليت صدري شمالي ونعم والله باهل الشمال كلهم. صح السان قايلها وسلمت انامل ناقلها مشكوره بننت شمر على الطرح الجميل

ماعليك زود

وصح بدنك

العفو

شرفني مرورك

اختك بنت شمر الطنايا

[قلب عتيبه]

ذوووق يالغاليه

تسلم يدينك على هيك آبيآت ,,,ويعطيك ربي العافيه ,

لاننحرم من جديدك القادم ..

كل ود

[بنت شمرالطنايا]

المشاركة الأصلية كتبت بواسطة قلب عتيبه ذوووق يالغاليه تسلم يدينك على هيك آبيآت ,,,ويعطيك ربي العافيه , لاننحرم من جديدك القادم .. كل ود

الله يعافيك

يسلموووووووو

على مرورك ما تقصر

[النجم الأصيل]

صح لسان قايلها

اختيار موفق بنت شمر

لكي كل التحايا

[الكااااســـر]

ونعم باهل الشمال كلهم
وصح لسانك بنت شمر
يعطيك العافيه ومشكوره على الابداع الطيب
لك خالص الود والاحترام

[سلمان]

بنت شمر

اختيار جميل

الله يعطيك العافيه عليها


صح لسانك ولسان قايلها


تحياتي لكي

[بنت شمرالطنايا]

المشاركة الأصلية كتبت بواسطة النجم الأصيل صح لسان قايلها اختيار موفق بنت شمر لكي كل التحايا

صح بدنك

شرفتني بمرورك

[بنت شمرالطنايا]

المشاركة الأصلية كتبت بواسطة الكااااســـر ونعم باهل الشمال كلهم وصح لسانك بنت شمر يعطيك العافيه ومشكوره على الابداع الطيب لك خالص الود والاحترام

ماعليك زود

وصح بدنك

العفو

يسلموووووووووووو

على مرورك