قصيدة الشاعر الكبير محماس بن شميسان.....

[متعب العضياني]

ياحسين لو صادفت غـرو ٍصدفتـه

العصر لاقاني على فتحت السـوق

غرو ٍخطف قلبـي وانـا ماعرفتـه

واقفا يجر اخطاه مـن غيرمنطـوق

الابـسـود ٍ خـدرنـي بلـفـتـه

حور ٍ طرف ملحوظهن ساقني سوق

موضي جبينه ساطع ٍ لـو وصفتـه

العنق عنق الريـم واللـون غنـوق

وعـودٍ ذعاذيـع النسايـم عطفتـه

غصن ٍ محيط ٍ به ثمر طلع وعذوق

ماشفت وصفـه بالخلايـق وشفتـه

بـه ميزتيـن وثالثتهنـه الــذوق

واقفا وانـا ماعـن لـزوم ٍ كلفتـه

اخشـى مناقيدالمقاريـد والـبـوق

وامسيت اقاس الهم والنـوم عفتـه

و قلبي لصلفات الهواجيس طاروق

كاس المراره من عموقـه رشفتـه

نفسي مهايمة ٍعلى العـذب واتـوق

ياليـت تيـار الهـوى ماجرفـتـه

ولا عادلي يابن وجب طايف الشوق

وأن كان شكاي الهـوى مانصفتـه

عزالله انك منه ياحسيـن محقـوق

[إبن ثعلي]

صح السانك يااخ متعب ولاهنت على هذه القصيدة الرائعه

[فهيد مقعد الرويس]

[align=center]الله الله

قصيده جدا رائعه

لاهنت يامتعب على النقل

وصح السان شاعرها[/align]

[متعب العضياني]

صح بدنك يا إبن ثعلي جعلك تسلم

[متعب العضياني]

هلا ومرحبا

بــ فهيد الرويس

لاهنت اخوي شاكرين لكم مروركم