وصلتني قصيده من فتاة وقد رددت عليها
قصيدة الفتاه
اليوم انا مشتاق لك شوق بالحيل@@@@@قلت اتصل والا اني ارسل رساله
واحترت بالثنتين واحط واشيل@@@@@شي بوسط القلب صعب(ن) مناله
عليك ياللي تعرف النقص والميل@@@@@ياللي عليك القلب زاد انشغاله
احن لك حنت هل البن والهيل @@@@@ليا جاهم الفنجال قبل البياله
ياخوك شفنا بالزمان الغرابيل @@@@@ يكفي غريب الدار عايش لحاله
خل المسائل ياحبيبي تساهيل @@@@@واليا اتصل صاحبك رد اتصاله
وهذي قصيدتي
جتني رساله عقب ماروح الليل@@@@@والحزن بين الجاش جاله مجاله
والعين تسهر وارسلت للمناديل@@@@@والدمع فوق الخد خيل خياله
والمشكله في كثرة القال والقيل@@@@@كل(ن)على كيفه يركب مقاله
قد قلت انا قولن مايحتاج تحليل@@@@@واللي يعيد الهرج مصدر جهاله
ياوردةن حمراءعلى شاطي النيل@@@@@قلب المعنى راح مالك وماله
العام وقت الحب ماتوفي الكيل @@@@@واليوم شد الوصل واقفى حلاله
حبك مدينه تنتمي للبهاذيل @@@@@عنا وشقا جيران وعيال خاله
وآخر كلامي جاك من دون تفصيل@@@@@خلاص من حبك قطعنا حباله
| 
|
03-16-2009, 02:49 PM
العرض العادي
