درهـ بـــحـــــــــــــر مــانـاشــنــي كـــــــــــل عـــشــيـــــق .........!!!

[**** شوق ****]

[align=center]مساء الورد والعطر والزيزفون ..

يسرني أصافح قلوبكم / أعيُنُكم ..

قصيده في من تطاول علي

فاقبلوها كما هي
.
.[/align]
[poem=font="Simplified Arabic,5,indigo,bold,normal" bkcolor="transparent" bkimage="backgrounds/19.gif" border="solid,2,darkred" type=1 line=1 align=center use=sp num="0,black"]
ياناقل الهرجه على غير تحقيق=هرجك دبل كبدي ولا عاد ينطاق
ياللي تحمّل سمعتي فوق ماطيق=مصدر تبث الكذب في كل الافاق
قاصر ضعيف الراي في حزة الضيق=هرجك يضيع اليا عليك الزمن ضاق
احفظ لسانك ياردي التوافيق=لاتتركه في عرض الاجواد لحاق
تراي بنت اللي يصون المواثيق=اللي مربيني على طيب الاخلاق
لي في سمو الطهر جوله وتحليق=أكرم عن اللي في قفا الناس لفاق
مافيه مثلي بنت بين المخاليق=أنا التي فيها من الحسن مالاق
كلي أدب وأخلاق مافي تبريق=عفه وحشمه بارقي دوم برّاق
حويت علم ودين وانظم طواريق=لامن بدعت القاف في مهجتي راق
درة بحر ماناشني كل عشيق=ماني ملاذ ٍ يزبنه كل عشاق
تراي (شوق) اللي لها قدرٍ يليق=بنت ٍ كما الدّر المخفى بالاعماق
ربعي عتيبه متعبين الملاحيق=دايم على فعل المواجيب سبّاق
ترى خوالي من عنوز ٍ شواهيق=من نسل أبو تركي رفيعين الاعناق
وين أنت غادي وين ياناشف الريق=اعقل ترى دمك ليا أخطيت ينراق [/poem]
[align=center]//

شوق

//[/align]