\
/
كل عام و أنتم بخير , و اعتذر عن الأنقطاع المتكرر , نص كيبوردي جديد و ربما القريب لي : أتمنى أن ينال إعجابكم :
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] عسى الله يجازي من حرمني لذيذ النوم = حداني على الضيقة .. وقفّى و خلاني !!
ليا من ذكرته .. وش بقى للهموم هموم = قسم ما بقى هم(ن) يمر و تعداني !!
سبى لذة المرقاد .. و اقفى و له كم يوم= و لا جيت له و أبطى على الوجه ما جاني !!
يقول الظروف اللي حدتنا على المقسوم = و انا اقول من يصمل يجي لصاحبه عاني !!
ترى وقتنا .. ما عاد خلى حد(ن) محروم = معك رقم جوالي ../ الأول مع الثاني !!
ليا صار شوفك يا أريش العين معدوم = اقل شي صوتك يبري الجرح ( مجّاني ) !!
لا تبخل في وصلك وأنت حاكم وانا محكوم = ولا في يدي حيله على الشوق لا اعماني !!
دخيلك ترى الفرقا مثل خنجر ٍ مسموم = تسم العروق .. و تذبح الخل من داني !!
و انا دون وصلك يا الغلا تايه ٍ منجوم = اسج القدم في الدرب من وين ما وداني !!
اسولف و اسلي خاطري مير ماش عزوم = ليا اطروك .. ضاقت بي وسيعات الأوطاني !!
ادنق على الجوال و ابحث و اسوي زوم = على آخر رسالة ارسلتها ف/ شهر شعباني !!
تقول الغلا باقي .. و اقول الغلا في كوم = غلاتك تساوت مع غلا العود و اخواني !!
رغم صدتك يبقى الغلا في الحشا محشوم = لو إنك معي نوب حبيب(ن) و قوماني !!
احبك و لو من بيننا سلم ربع و قوم = و لو ما توافق إسم جدك و جداني !!
لكن الغلا : ما يعرف عروق والا سلوم = و لا يعرف الخايب و لا يعرف كحيلاني !!
ترى داخلي شرهة غلا .. و اقتفاها لوم = و ترى الشوق ما يرحم و لو كان ما كاني !!
تقول الظروف اللي حدتنا على المقسوم = و انا اقول رقمي معك الأول / مع الثاني !![/poem]
| 
|
08-25-2012, 09:49 PM
]
العرض العادي
