الصـوره اللـي ( بجوالـي ) تعذبـنـي ..

[نظره خجوله]

الصـوره اللـي ( بجوالـي ) تعذبـنـي ..


"




"




الصـوره اللـي ( بجوالـي ) تعذبـنـي ..
ياكثـر ماجيـت ابمسحهـا ! واخليـهـا

ياللي جفيـت وجفـاك المـر .. ذابحنـي ..
عقبك وجيـه البشـر .. مانـي بدانيهـا

من يوم حبك .. غـزى القلـب وتملكنـي ..
قطعـت كـل العـلاقـات وطواريـهـا

اقـرى رسايلـك ودمـوعـي تسابقـنـي ..
وارد ! واقرى الرسايل .. واحتفـظ فيهـا

انت آخر انسـان هاقـي منـه يصدمنـي ..
والظاهـر ان هقوتـي بانـت مواريـهـا

لـو الوصايـا ليـا احتديـت ! تنفعنـي ..
ياكثـر نـاس ٍ علـى ذودي بوصيـهـا

ليت الفـرح ( بنـك ) لاجيتـه يسلفنـي ..
واقاصـده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي ..
قمت اعـزل جروحـك بقلبـي واسميهـا

تـدري وش اللـي يبكينـي ويضحكنـي ..
انـك محـامـي قضيتـنـا وقاضيـهـا

تدري متى ؟ تعـرف قـدري وتفقدنـي ..
لارخصت نفسك ,, لشخـص ٍ مايراعيهـا

بكـره لاهملـوك الـنـاس تذكـرنـي ..
وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي ..
وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي ..
هذا عـزا النفـس مـن كثـرة بلاويهـا

اهديتك : دمـوع مـن طعنتـك تحرقنـي ..
وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟ ..
لان الهـدايـا عـلـى مقدار مهديـهـا

صحيح ! ( حنا انتهينا ) .. بس صدقني !! ..
والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني ..
ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي ..
إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي ..
دنيـاي لامـن نسيتـك ويـش تاليـهـا

فارقتنـي وضحكتـك عيـت تفارقـنـي ..
والله يلعـن ابــو الفـرقـا وطاريـهـا

مقدر !! أفكر بغيرك ؟ .. وانت عارفنـي ..
عشان حاجه ؟ بقلبي .. مقدر !! أخفيهـا

اخاف لاحبنـي غيـرك ؟ .. وعاشرنـي ..
يشوف صورتـك فـي عينـي ويوحيهـا

نشدت عنك ؟ وسمعـت اللـي يفرحنـي ..
وارتاح صـدري مـن همـوم ٍ يحاتيهـا

تبي تعرف ! وش ؟ على الفرقا مصبرنـي ..
انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي ..
اقرى ( رسايلك ) فـي حرقـه والاحيهـا

اشوف ( صورتك ) .. ودموعي تسابقنـي ..
وياكثـر ماجيـت أبمسحهـا ؟ وأخليهـا ..
.................

[وجودك يكفي]

صح لسان شاعرها ولاهنتي على النقل يانظره خجوله



احترامي

[هتلر عتيبة]

الله الله

قــــــــــصـــــيــــدهــ فــــــي مــنـــتــــهــــى الــــــــــروعـــــــه

صــــــح لــــــســـانـــــــه

أبـــــــــــداع لا يـــــــــــــــوصـــــــف

كــــــل الشكر لكـ

على الاختيار الجميل

لكـ خــــــــــالــــــص الـــــــــــود

[اصايل]

خاف لاحبنـي غيـرك ؟ .. وعاشرنـي ..
يشوف صورتـك فـي عينـي ويوحيهـا



معبره

صح ذوقج يالغلا

[نظره خجوله]

المشاركة الأصلية كتبت بواسطة وجودك يكفي صح لسان شاعرها ولاهنتي على النقل يانظره خجوله احترامي

شاكره لك هالوجود اللطيف ..


"


مودتي لك

[نظره خجوله]

المشاركة الأصلية كتبت بواسطة هتلر عتيبة الله الله قــــــــــصـــــيــــدهــ فــــــي مــنـــتــــهــــى الــــــــــروعـــــــه صــــــح لــــــســـانـــــــه أبـــــــــــداع لا يـــــــــــــــوصـــــــف كــــــل الشكر لكـ على الاختيار الجميل لكـ خــــــــــالــــــص الـــــــــــود

وكل الشكر لحضورك الانيق


"

مودتي

[مهـرة مـطير]

"

صح ذوقج ي النظره

تسلمين ع النقل المميز

[الأدميرال]

مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا


نظره خجوله صح نقلك وتسلمين

[نظره خجوله]

اصايل


"


مهرة مطير




احلا صبايا منورين بصفحتي

[نظره خجوله]

المشاركة الأصلية كتبت بواسطة الأدميرال مدام غيـري ؟ علـى قلبـك مشاركنـي وش هـو لـه ؟ اعلـق الأمـال وابنيهـا :sniper (37): نظره خجوله صح نقلك وتسلمين

هلا وغلا بـــ فيصل منور يا بعدي ..



"


شكرا لك ..