بسم الله الرحمن الرحيم
مساء الخير
الموضوع هذا عبارة عن قصة حدثت بين شاعرين كبيرين وبعد القصة طرحت بعض الألغاز المحلوله
نبدأ بالقصة أولآ:
من ألغاز ونقائض العمالقة الشاعرين الجاهليين أمرؤ القيس بن حجر الكندي وعبيد الأبرص ولها قصة حيث لقي عبيد بن الأبرص أمرؤ القيس ، فقال له عبيد: كيف معرفتك بالأوابد ؟ والأوابد معناها الألغاز
فقال امرئ القيس : ألق ما أحببت وهات ماعندك!!
فقال عبيد:
ماحبة ميتة أحيت بميتها
درداء ما انبتت سنا واضراسا
فقال أمرؤ القيس:
تلك الشعيرة تسقى في سنابلها
فأخرجت بعد طول المكث أكداسا
فقال عبيد :
ما السود والبيض والاسماء واحدة
لا يستطيع لهن الناس تمساسا
فقال امرؤ القيس:
تلك السحاب إذا الرحمن أرسلها
روى بها من محول الأرض أيباسا
فقال عبيد:
ما مرتجاة على هول مراكبها
يقطعن طول المدى سيرا وإمراسا
فقال أمرؤ القيس:
تلك النجوم إذا حانت مطالعها
شبهتها في سواد الليل أقباسا
فقال عبيد:
ما القاطعات لأرض لا أنيس بها
تأتي سراعا وما ترجعن إنكاسا
فقال امرؤ القيس:
تلك الرياح إذا هبت عواصفها
كفى بأذيالها للترب كناسا
فقال عبيد:
ما الفاجعات جهارا في علانية
أشد من فيلق مملوءة باسا
فقال أمرؤ القيس:
تلك المنايا فما يبقين من أحد
يكفتن حمقى وما يبقين أكياسا
فقال عبيد:
ما السابقات سراع الطير في مهل
لا تستكين ولو ألجمتها فاسا
فقال أمرؤ القيس:
تلك الجياد عليها القوم قد سبحوا
كانوا لهن غداة الروع احلاسا
فقال عبيد:
ما القاطعات لأرض الجو في طلق
قبل الصباح وما يسرين قرطاسا
فقال امرؤ القيس:
تلك الأماني تتركن الفتى ملكا
دون السماء ولم ترفع به راسا
فقال عبيد:
ما الحاكمون بلا سمع ولا بصر
ولا لسان فصيح يعجب الناسا
فقال أمرؤ القيس:
تلك الموازين والرحمن أنزلها
رب البرية بين الناس مقياسا
منقوووول
-
وهذي بعض الألغاز المحلوله حبيت أجمعها كلها في موضوع واحد وإنشاء الله تعجبكم
-
-
-
-
-
-
-
-
-
-
-
-
-
-
-
-
يا الشاعر اللي بالقصايد ترنم
جاك الخبر مني وفكري مقـره
بنشدك عن عودٍ عمى لاتكلـم
يكشف ستر عذراه للي يجـره
عودٍ على كشف الحقايق معلـم
علمه يفرح شخص واخر يضره
هات الخبر وارسل جوابك معمم
باربع بيوتٍ من قراها تسـره
الحل(عيار الزيت والمكينه)
لصالح النفيعي
===
الله على الثلاث ليا صرت ماشي
يحمنك من طعن الظهر والخديعه
ماينقلن كـلام كـاذب وواشـي
ياتنك بالاخبار كنهـا الطبيعـه
-فلاح العجمي
المرايات الثلاث اللي بالسياره
===
انشدك عن رجلٍ يجيب العلم من بطن السواد
لو ماتحط اصبعك في عينه ما يعطيك العلوم
جالس بطن امه لكنـه هايـمٍ فـي كـل واد
ناس ٍ تشوفه فالسفر وناسٍ تشوفه كل يـوم
هو عيار الزيت
___
انشدك عن خمس تقابل مع خمس
صوب السماء ترقاوتنزل وترقـا
تنشاف شوف العين ماتلمس لمس
الشكل واحد والفعـل فيـه فرقـا
ان غيبن من عقبهن خاطرك عمس
كنك تحس بداخل القلـب حرقـا
الارسال والشحن حق الجوال
===
ياويش الشيفه الي شفتها ياهل الوفا بالامس
طبيعي وضعها لاكنها ماهي طبيعيه
مواطيها ثمان انفوسها اربع والجماجم خمس
واصابعها عددها ياوجيه المعرفه ميه
الجنازه
===
انـشدك عن حـيـن حـياته غــريـبه
كـائـن غـريـب وغــربـتـه فى حـياته
الى مـسـكـتـه مـات لو تعـتني بـه
ان مات ولاحـي صـمـتـه صـــفاتـه
السمك
----
انشدك عن رجلٍ مسمى ومعروف
وقت الشدايد ينفعك بس ينعـاف
ينفعك بظروفٍ ويحرجك بظروف
ْويركب عليك ولا تشيله بالآطراف
دين الفلوس
---
ياويش بنتن مقعدت مقعدالعيب
الله خلقهـا يالنشامـا شريفـه
من فوقها ماتطلع الشمس وتغيب
ومنزالهافوق الجبال المنيفـه
تهدم وتبني بيت مابه عذاريـب
ثقيلتن ساعه وساعـه خفيفـه
شهادةالحق
-------
ياويش بنتينٍ على ظهر رجـال
متقاسمات الزاد بأمر المعازيب
واللي يغذيهن عجوز على الجال
من شان بنت صابره للواهيـب
مساحات السياره
------
انشدك عن رجل كتم وش جراله
ما يعترف يا كود تكويه بالنـار
ترى الولد طيب يحب الجمالـه
وليا تعب يمكن يجيب لك الاخطار
قوري الماء
-----
أنشدك عن بنت(ن)ابوها تحتها
والبنت تولد ساعة العود مولود
لا كنها ماتقعد لناس(ن) بغتهـا
تاخذ شوي وتختفي داخل العود
الرغوه
------
انشدك عن قبرٍ دفن فيه راعية
معروف حتى في العصور القديمة
كلٍ يحاول يظهر جنازتٍ فيـــه
ولايظهره غير العقول الفهيمـة
اللغز
------
ويش الثلاث الي يحفضن الاسرار
الاسم واحد والشبه بين ثنتين
متقاربات وفيهن صغار وكبار
عند الفقير وعندراع الملايين
مخابي الثوب
-----
أنشدك عن رجلٍ ليا طال بك سرت
وليا قصر ضاقت عليك الوسيعـه
أهو رجل لكن سكن في حظن بنت
لا قـادرن تشريـه ولا تبيـعـه
النظر
----
انشدك عن رجلً صله بين بنتين
وبين البني دايم صفاته حميده
يهولك شكله له افمين وافمين
ويطق في روس الاصابع حديده
الاشتراك والبطاريات
----
انشدك عن رجلٍ بتوعٍ بممشاه
امير قومٍ تتبعة ما تحاكية
شيخٍ ليا منه زعل زاد ممشاه
وليا وقف ساعه ذبح ما حواليه
القلب
----
انـشـدك يارجال عــن زايــرٍ زار
بين السماء والارض داره سكنها
لو تنشده وتقول ما يجيب الاخبـار
ولاهوب يرجع ديـرةٍ قـد سكنهـا
الجنين
----
انشدك عن عذرا عفيفه مزكاه
لقحت بطفلن ماله ابوٍ نسميه
يوم وضعت ماعندها ماتغداه
كلت ضنا الجاره وزيّن لها فيه
مريم العذراء=ام سيدنا عيسى عليه السلام
----
انشدك عن بنتٍ لها شعب وحزاب
ولوقتها كلٍ يحسّب حسابه
احدٍ يحاولها على دخلت الباب
وحدٍ يحاول ماتجي حول بابه
كرة القدم
-----
بنشدك عن رجلٍ عزيزٍ فقدناه
ماعاد يطري كود حزة وحزّة
أخـْـيـَر لزيــمٍ لو بغينا انتمناه
وفي عصرنا قليل منهو يعزّه
راضي الهاجري
الكتاب
----
انشدك عن بنت خذت صيت رجال
فازت بصيته واقتنـع بالمهونـه
من عقب ماهو للمشاكيل حـلال
اليوم ياكثر البشر يجهلونـه
المطحنه واخذت صيت النجر
===
انشدك عن بنتٍ تركب على بنت
خدعه لواحد ودهـن يطرحنـه
وحده تقول انا بعينـه تزيّنـت
طماع يحسْبني على قد ضنـه
وحده تقول انا مسكته ولا خنت
لو ان مسكي له على غير سنه
الحمامه والشبكه
لصيد الصقور
----
انشدك عن ليل غريب ومشبوه
يضفي على رجل به الناس دارين
ثم ينجلي زوله ترى الزول مكروه
مايوضعه ياكود ناسٍ مقفين
الصبغ الاسود حق الشيب
===
أنشدك عن عودن تراقل سنونه
وتجوده بنتن بقضبت علابيه
عودن قوي عزوم ماينطحونه
ينده بسم ابنه واسمه يخفيـــه
ابو جلبمو
===
وش اللذي من نوعها ماسبقها
في وسطها سبع بنات شريفات
لها مكانه عند شخص عشقها
ومن عافها خسران لوذاق لذات
الفاتحه والايات 7
===
انشدك عن بنت هواها عذابـي
من حبها ينحل وحاله تسومـي
نوماسها يحفي نفـوس الشبابـي
تفنى لجل ترضي الحبيب الهيومي
تحرق عروق القلب ومنها الذهابي
وفي هجرها العاشق يصير محشومي
الزقاره
===
وش رجلٍ عياله لهم وارد وصدير
وله هنوف كل ابوهم يجون ضيوفها
بنت وحده وتقلب كل وقت باسم غير
والرجال من اجل بنت تشد صفوفها
الرجل المسجد..البنت.الصلاه
===
ياويش رجال ربطوه بجماعه
مره يفكونه ومرات مربوط
يمشي بدرب الضيق مو بالوساعه
وما يسمح لغيره ولو كان مضغوط
ماياكل العيشه ولابه مجاعه
وان قيل فيه اسنان فالقول مضبوط
المفتاح
===
وش غلام لا ظواه الليل يسري
ولاتشوفه لو يمرك بالنهار
نوب للساري على الثنتين يغري
ويخلفك نوبات من خلف الستار
الصوت
===
وش رجلن يفعل الطيب وافعاله قديمه
له قصص ومبالغاتن كثيره ماتعد
قد ذكر بالدين مظلوم ويا شين الظليمه
فارسن من مارثت فرسان من عمن وجد
الذيب
===
ابنشدك عن رجلا يحمل حرمته في كل ديره
ويهج لديارا بعيده يولدها
وبسقي عيالها من الماء بحسن تدبيره
وليل أرتوت ماتت وماتو عيالها
الرجال هو قبطان السفينه وحرمته السفينه وعيالها ركابها
===
ابنشد الشعار واللي يحلون
ويش الهنوف اللي لها الخلق تشتاق
بنتٍ لها زوجين والناس يدرون
والبنت حامل والمخاليق عشاق
عطت ولدها جدةٍ صانته صون
والبنت قف والغنادير سواق
(المزنه)البرق والرعد والارض
===
حجرف تذكر قصتة مع خروفة
للغز حلالة وللمعرفة ساس
من البحر ومن السماء خذ وصوفة
مشروب لكن دون طاسة ولا كاس
ان شربة الرجال محدن يشوفة
وان شربتة حرمة يشوفونها الناس
( المطر )
الرجل البحر ---- الحرمه الارض
===
اسأل عن اللي راكزٍ بالوطى ركز
في قمته مطماع ناسٍ رقت لـه
إلا هنوفٍ هزتـه ياعـرب هـز
من قمته جاها ولو ماعنت لـه
مريم عليها السلام(يوم هزت الجذع النخلة فتساقط عليها الرطب )
===
انا بنشدك عن بنـت جمليـه ماعليهـا راس
عجب لله كيف البنت خلقـت مالهـا راسـي
ولايفها عليهن روس واصناف البنات اجناس
ومـن يدخـل محبتهـا تليـن قلبـه القاسـي
سورةالتوبه لانها بدون البسمله
===
انشدك عن رجل يحرسك ويحميك
ماياقـف الا يمسكـنـة بنـاتـة
رجل يجى بنواع مافيـة تشكيـك
روحة وجية دوم هـذى حياتـة
الباب والبنات ايديه او قفاله
===
دم ولحم وعظام من بطن الحجـر
ثم اصبحت تمشى على صم العظام
لاوالدين الها ولاهـى مـن بشـر
ادت مهمتهـا بترتيـب ونـظـام
ناقة صالح
===
ويش بنت شانها شان كبير
ماتصير الا مع كبار البخوت
فى حشاها ورع مجهول المصير
مايتكلم كود هالعذراء تموت
الصندوق الاسود
===
انشدك عن بنت علـى غيـر راده
جت مقبله واقفت بلحظه سريعه
بأ مان ولا بخـوف للبنـت عـاده
باالعيـن شفناهـا وهـذي طبيـعـه
رمشةالعين
===
يـاويــش بـكــره يـدايـرهـا قـعــود
وان دارهـــا درت عـلــى حـلابـهـا
لتشرب من المـاء ولا تـرد العـدود
وراعيها من راس هضبة(ن) جابها
الرحى
===
وش الثمان اللي على راس مخلوق
من خلقـت الدنيـا ليـا منتهاهـا
متلاحمات وبينهـن دم وعـروق
حكمة ولي العرش رافـع سماهـا
محيطتن رجال تاقاه مـن فـوق
في الباديه واللي سكن في قراهـا
عظام جمجةالانسان عددها 8
===
أنشدك عن رجلٍ ياكل القوم
ياكلهم بهونه ويقذفهم بهونه
يطير ويوقع على حد محتـوم
ولا له جرةٍ منها يعرفونه
الحواب هو اللفت أو المصعد
منقوووول
| 
|
12-07-2009, 05:53 PM
العرض المتطور
