ياالله ياربـي عليـك التساميـح
لولاك عرجات السنيـن عرجتبـي
منك أستمد العون رهبه وتسبيح
والعفو كان جروح وقتي صطتبـي
الحظ كوره والنوادي ضحاضيـح
سددتهـا بالعارضـه واحدرتبـي
شوطين أضافيه وركلات ترجيـح
وآخـر نهايـه مابعـد سجلتبـي
أقول لحظه للجماهيـر وتصيـح
خسرتها كاس الفرح واخسرتبـي
لو طاحت انفوس الرياجيل ماطيح
عليـت نفسـي للعـلا واعتلتبـي
صم الجبال اللي حجرها صلافيح
لو جيت أهـز حيودهـا مادرتبـي
لكن لي مبـدا معـزه وتصفيـح
أبـوي سمانيبـهـا واستمتـبـي
اذخر بواعيس الرجال الطحاطيح
وأبقى على هقواتها اللـي هقتبـي
اقدر ظروف الوجيـه المفاليـح
اللـي ليامـن جيتهـا رحبتـبـي
قولت هلا واقلط على هبت الريح
ثروة غنى فيها أغتني واغتنتبـي
ماهو كلام ملاعبيـن المسابيـح
اللي نموذج كتبهـم غيـر كتبـي
ملقحين منمـق الهـرج تلقيـح
ياما حكت عنـدي ويامـا حكتبـي
تصوم وتصلي قيـام وتراويـح
لكنهـا بالـشـذب ماقصرتـبـي
عيال رعيان الحـلال السواريـح
لو حصلت ضحكن علي ضحكتبـي
لولا العصا كان الكلاب النوابيـح
عن مشرب العد العـذي صدرتبـي
والصبر زين وللمغانـم مفاتيـح
واكحل عيونن بالحسـد تلتفتبـي
| 
|
12-15-2005, 02:26 PM
المواضيع المتشابهه
العرض الشجري