محاورة بين رشيد الزلامي وصياف الحربي

[احمد الزايدي]

[align=center][grade="00008B FF6347 008000 4B0082"]

رشيد الزلامي
سلامي ها السلام اللي خفيـف ٍ دمّـه***معه جنسية ويبغى له جـواز سعـودي

مشكلة صياف صارت بين ابوه وعمّـه***والسبب ناس ٍ تدق الملـح والبـارودي

صياف الحربي

مرحبا بالشاعر اللي مـا قـدرت آذمّـه***الليالي مـا تغيّـر والزمـان ايعـودي

الزلامي معه علـم وكـل شـي ايهمّـه***مير لو يزعل تغيّـره الليـال السـودي

رشيد الزلامي

كيف تدلي بالشهادة يـا كبيـر الذمّـه***وأنت ما شب الك ضوّك غير قدح زنودي

صرت مثل اللي كبر وانكر لبن ديس امّه***والعرب فالصيف تعرف عدها المارودي

صياف الحربي

العلوم اللي تحـط النـاس راس القمّـه***حبلها من يمكم يـا صاحبـي معقـودي

ثوبك اللي ما ينوش الأرض غير ابكمّه***نزله للجمرة اللي فـوق راس العـودي
رشيد الزلامي

ودي اكشـف غلطتـك للعالـم الملتمّـه***أنت حربياً تطالبنـي بـورث اجـدودي

يا محبيـن العقـال ومنكريـن العمّـه***خصمكم في الآخرة عبد الله المسعـودي

صياف الحربي

أنتم رجال الشرف وعظامكـم منسمّـه***أعبروا ذاك الطريق وحملكم مشـدودي

أنت ما تدري عن البارود ليـن اتشمّـه***مير لا ترمي بها فالـوادي المسـدودي

رشيد الزلامي

لوّ يا صياف علمـي تمسكـه وتضمّـه***تاجده مثل العسل وألا حليـب القـودي

أنت تحسب جدنـا داب يمـوت بسمّـه***مير أنا باذل لنصره طاقتـي وجهـودي
صياف الحربي

يقطع الله ديرة اللي ما يعـرف الجمّـه***والتجـارة يالعتيبـي بابهـا محـدودي

قبرك اللي في تهامـه بالتـراب اندمّـه***تحفره بالليل الأظلـم والعبـاد رقـودي


[/poem][/align][/grade][/align]