اطلق حجاجك ثم توكل على الله

[وجودك يكفي]

يغنيك عن كــــثر الحكي مجمل أبيـــــات
ومن ياخذ المضمـــون يلقى الأدلـــــه

تدري وش اللي يقتل الــحب بســـــكات
لاصرت في بوحـــــك تحس بمـــــذله

وتدري وش اللي يكسر الظهر حـــــزات
لامن عطيت احســاس ماهو مـــحلـه

وتدري متى تستاهل الطعن مـــــرات
لامن خطيت الـــدرب وانته تـــــدله

لاتتبع المقـــفي على كل حـــــالات
بعض الوجــيه اللي تقابلك عـــــله

ولا تسأل الغالي عن الجرح لا فـــــات
نبش الحكي يـــــزود الطين بـــــله

طالع في من حولك وتاخذ شهـــــادات
مانلتها لو تـــــدرس الدهر كـــــله

ناس تـــجر من سوود الضيق ونـــــات
وناس تقضــيها ونـــــاسه وفـــــله

هذاك شال همــــوم غيره ولا بـــــات
وهذاك مايـدري عن احساس خـــــله

احدن يهــين اصــله على كل زلاتــ
واحدن ترومــــه شيمــــته ماتـــــزله

لا تقول حظي من عنا الوقت قد مـــــات
قل مـــــات حظ اللي عناه استحـــــله

ولا ضاقت الدنيا وعلى الكيف ماجـــــات
اطلق حجاجك ثم توكل على الـلــــه




،،راقت لي،، منقووول

[حورية نجد]

صح لسانك فديتك....وجودك يكفي

[وجودك يكفي]

حورية نجد ربي يعطيك العافيه ولا هنتي على المرور

لآ خلا ولا عدم منك يالغلآ