اما رحلت السبت والا ربوعه ..

[اصايل]

صباحكم ,, مساءكم شعر



/








يا ناقل البـارود لا تذبـح الذيـب=ادخل على الله بالنـدب لا تروعـه

لو أنت بالرامي عطيب المضاريـب=ارحم ضعيفاً شملتـه راس كوعـه

أحشرته الدنيا بـروس المصاعيـب=في راس لـولاح عسيـرًا طلوعـه

يازين صوته في طويـل المراقيـب=وليا عوى لجت محانـي ضلوعـه

ورزقه على الله ما ملا البنك والجيب=عزيز نفـس وراس مالـه متوعـه

والناس تذكر عامل الطيب بالطيـب=وإلا الردي درب القصا من طبوعـه

ولا تامن الدنيا ترى غيبهـا غيـب=إما رحلـت السبـت وإلا ربوعـه

يقولها عوداً ولـع راسـه الشيـب=عوداً دنى شوفه وثقلـت سموعـه

دنياك ماعمر بهـا نـوح وشعيـب=قبلان راحت بـه ومقبـل تلوعـه

يالله ياللي تسمـع العبـد وتجيـب=تحلـل المسلـم وتقبـل ركـوعـه


الشــآعــر // الحميدي فهاد الحربي