مرثيات .. خالد الضيط ..!! في آخآهـ وخآلهـ .؟.

[غزال الكويت]

مرثيات حزينه .. لا يكتبها ألى من فقد أثنين في يومً واحد وهم أغلى مايملك ..


مرثيآت / للشاعر خالد بن ضيف الله الضيط العتيبي ..كتبها
في ..
عبدالعزيز قاعد الضيط { خاله } وصالح بن ضيف الله الضيط { اخاه } تؤما روحه ..

عندما توفيا بحادث مروري قبل شهرين تقريبآ ..
صالح كان عمره 21 سنه وعبد العزيز 20 سنه رحمهم الله وأسكنهم فسيح جنانه ..

لا أود ان أطيل عليكم ..

أترككم مع المرثيات ..

1_

يآطير ماعينت لي ثنينً احرار 0000 خاويتهم من يومك صغير ياطير

فرخً صغيرً كنت وأصبحت سنجار 0000 في كفوفهم عشوك في قمة النير

واليوم منهُ لجلك يدوس الأخطار 0000 مالك عشى من عقبهم ياوحش مير

ياطير راحو مابقى غير تذكار 0000 عز الله اني عقبهم ماني بخير

راحو وصار الهم والحزن خطار 0000 خطار في صدري وبقلبي مخاشير

هذي سيوفك يازمن وانت غدار 0000 تطعن وتجرح ماتحسب المخاسير

ثنين مامنهم بقاء يطفي النار 0000 اللي بقلبي شبت اليوم وسعير

ياشينها من عقب فرقاهم الدار 0000 ضاقت علي دروبها والمشاوير

أبكي عليهم والحزن صاب الأشجار 0000 وتساقطت أوراقها والعصافير

ياطير تبكي وأبكي وتبكي ديار 0000 نبكي على فرقى ثنينً مناعير

يبكي على فرقاهم الضيف والجار 0000 ويبكي عليهم شوخ وبني غنادير

ويبكي عليهم طفل والطفل منهار 0000 والشيب في راسه وهو توه صغير

عبدالعزيز وصالح اثنينً اخيار 0000 ماتنجب بطون النساء مثلهم طير

لاكن هذي هي هي حكم الأقدار 0000 ضيوف فالدنيا وبكره مدابير

يالله عسى مثواهم بدار الابرار 0000 في جنة الفردوس يالله تباشير

وأنا بروح لعالمً فيه الأسرار 0000 مدري وش المكتوب ويالله عسى خير

.......................................

2_


ذكروني فيه وأنا مانسيته 00000 مانسيته لاكن أني انتسيه

كل ماطرولي اسمه احتريته 00000 أنتظر شوفته لحظه واحتريه

اتذكر دربي معه اللي مشيته 00000 واتذكر خطوته واذكر مشيه

واتذكر كل شيً له حكيته 00000 واتذكر ضحكته واذكر حكيه

كل شيً ودي ابه وثم نسيته 00000 ألتفت يمه واشوفه مانسيه

وكل شي بخاطري وانا بغيته 00000 ألتفت يمه واشوفه هو يبيه

وكل حلمً في خيالي وأبتديته 00000 ألتفت يمه واشوفه منتهيه

اشهد ان فرقاه موتي لو شكيته 00000 ترجع العالم علي وتشتكيه

والله ان الموت لو خير فديته 00000 والله ان روحي وعمري تفتديه

ودكم تدرون منهُ اللي بكيته 00000 ودكم تدرون منهُ اللي انا ابيكه

هذي اخوي اللي نعيته واحتويته 00000 كل مامر اسم صالح احتويه.


منقوووول


غزآل الكوووووويت

[النجم الأصيل]

الله يجعلنا ما نفقد اعزاء
الله يرحمهم
غزال الكويت مشكوووووورة على النقل الجميل

قصيدة محزنة

[اصايل]

حجز لحين عودتي :)

[اصايل]

ياااااااااااااااااااااه


تقطع القلب


يارب ترحمهم وتسكنهم فسيح جناتك


يارب تعوضهم شبابهم وتصبر اهلهم


صح نقلك يالغزال