اللي يخزن الذهب بسويسرا مايغبطونه !

[خلف عبدالهادي الروقي]

هذه الغزليه قلتها وانا في الكويت وهناك يسمون بنات المدارس :الجيل الصاعد علماً ان لبسهن غير مكتمل(متبرجات) فتذكرت احدى بنات البدو ذات الجمال والعقل المحتشمه في السعوديه فقلت:



[poet font="Tahoma,4,darkblue,normal,normal" bkcolor="transparent" bkimage="backgrounds/15.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
يامل عين عليها من زمان اهل الهوى ميل *** تسهر من اسباب غروا شاقها واليأس دونه
دونه حوادي صعاب معقده بالحيل بالحيل ‌‌*** ظرف الزمان الذي دون الغضي ياقو كونه
خلي يفوق القمر باللون ايضا كوكب سهيل *** وصفه جميل وكلامه ينعش اللي يسمعونه
يخلف ويدهش رجال الدين والعقال ويهيل ***ويهدد اهل الهوى بالموت من نظرة عيونه
ولاهو بمن يسمى في المدارس باعد الجيل *** ولا سلمهم بسلم ناساً لبسهم مايكملونه
لو زينهم والعقول تصير في صورة مثاقيل *** يفوقهم بالجمال والعقل وبالعقل مايازنونه
ويسكن بلادً علمها رمزه اللي فيه تهليل *** الله يعز البلاد اللي وطنها يسكنونه
بدواً ليا ربعوا والهشب قام يعلّه السيل *** اللي يخزن الذهب بسويسرا مايغبطونه
اسلي القلب بالطاروق عن كثر الولاويل *** لكن قلبي شقاوي مايخلنه شطونه
ليت الطيور الطليقه صار لي منهامراسيل *** من صاحبي لي يجون ولي ايضا ياصلونه
[/poet]
وسلامتكم ،،،

[الحصان]

الاخ خلف صح لسانك قصيدة جميله تشكرعليها

[alwasal]

صح لسانك قصيدة جميله تشكرعليها

[إبن ثعلي]

بدو(ن)ليا ربعوا يديارهم والعشب قام يعله السيل==اللي يخزنون الذهب بسويسرا مايغبطونه
اجدت ايه الشاعرالتعبير فالبدوي لايهمه سوى الربيع والسيل ومن قال هذا البيت شاعر مبدع وبالتوفيق انشاء الله ولك تحياتي0ولكن التنسيق ماهو جيد حيث يضطر القارئ الى استخدام الاسهم يسرة ويمنة ارجو ملاحظة هذا في المستقبل0

[خلف عبدالهادي الروقي]

صحت ابدانكم جميعاً يااخوتي.وانا بدوري اشكركم على طيب مشاعركم،،،