عيد الأضحــ(أبو فيصل)ـــــــــى1429هـ

[كــــآتــم المـــــعنى]

إخوني أعضاء منتديات قبيلة عتيبه

[align=center]السلام عليكم ورحمة الله وبركاته

يسرني في هذا الموضوع أن أطرح لكم أحد إبداعات

الشاعر القدير:فرح بن هلال بن محمد بن ثعلي العتيبي

وهي قصيدة مهداه لصاحب السمو الملكي الأمير:خالد بن مشعل بن سعود بن عبدالعزيز آل سعود مدير عام الإدارة العامة للتطوير الإداري بوزارة الداخلية بمناسبة عيد الأضحى المبارك لعام 1429هـ
وأعدكم بإذن الله لاحقاً بتقديم بعض من إبداعات الشاعر (أبو فيصل) عندما تتواجد لدي وأتمنى أن تنال إعجاب الجميع,,,وشكراً[/align]



[poem=font="Simplified Arabic,6,red,bold,italic" bkcolor="transparent" bkimage="backgrounds/33.gif" border="solid,4,gray" type=0 line=0 align=center use=ex num="0,black"]
الشهـاده واجبـه بأمـر الإلـه=من كتمهـا آثـم وذنبـه كبيـر
اشهد إن الله فـي عالـي سمـاه=ما يشابه له أبـد نـد ونضيـر
يخلق الإنسـان ويحقـق منـاه=يكفل أرزاق الكبير مـع الصغيـر
يحيي الأرض الموات بسيل مـاه=لين تنبت من بعد مـس الهجيـر
يفرح أصحاب المواشي والرعـاه=ويفرح اللي رغبته مـد النظيـر
واشهد إن الطيب يرفع مستـواه=ولا يجي حبله مع الشده قصيـر
في رياجيل الوفـا يلقـى وفـاه=ولا يبين كـود فاليـوم العسيـر
ميلة الأيام تكشـف عـن خفـاه=والردي وقت الرخا تلقـاه غيـر
دايمن بالطيب يـا محـلا حكـاه=وفالقسى يرتاع من صوت الصفير
ودك انك نمسكـه تلعـن ثـواه=ولا تحطه فالمواقف لـك شويـر
واشهد إن البشت لـو زاد بغـلاه=ما يطلع شيخ من رجـل حقيـر
لو لفت للي حضـر كـل انتبـاه=يعرف البحر الطميم مـن الغديـر
واشهد إن العيد ما يكمـل حـلاه=كـود بمعايـد مناعيـر وأميـر
والأماره مجـد مـا كـل رقـاه=ما رقاه ألا هـل العـزم الكبيـر
يومها وقت المصـادم والرمـاه=كاسبين المجد بالسيف الشطيـر
السعود أهـل المواقيـف الدهـاه=من مواقفهم ترى عين الضريـر
من على عبدالعزيز ومـن قفـاه=كل واحد فالسمـا بـدرن منيـر
والسلام لمن ملـك قلبـي غـلاه=صار حبه في شرايينـي يسيـر
منزلـه فالقلـب معمـور بنـاه=مـا يهـزه لا غنـي ولا فقيـر
الامير اللـي ملـك عـز وجـاه=فزعة المضيوم ملجأ المستجيـر
عز مـن حـده زمانـه وابتـلاه=وعز من يطمح لتحقيق المصيـر
الدوا اللي يشفي مـن الله شفـاه=جابر العثرات والعظـم الكسيـر
عشت يا خالد زبون اللي نصـاه=من نصاك يعود مسرور الضميـر
عشت يا خالد يا محمود الصفـاه=يالاميـر وحـي والله هالامـيـر
يا عسى ربـي يمـدك فالحيـاه=بالسعد والعـز والخيـر الوفيـر
ماقفي قدامكـم مـا حلـى لقـاه=فالعياد وكل عـام انتـه بخيـر
افتخر في وقفتـي قـدم الـولاه=وعيدنا عيدين يالجمـع الغفيـر
والسلام ورحمـة الله والصـلاه=للرسول المصطفى الهادي البشير[/poem]

[فهيد مقعد الرويس]

[align=center]الله الله

ياسيف يعطيك العافيه

على نقل الوافيه

وصح لسان فرح ملااااااااايين

تحيتي وتقديري[/align]

[كــــآتــم المـــــعنى]

[align=center]هلا هلا

يا فهيد

حياك الله مليووون ولا يكفووون

وشرفت يالغالي

ويستاهل أبو فيصل[/align]