لاهــــــــــــــــــــوم ... العريدي

[محمد العريــدي]

هذه القصيدة للشاعر / حمود بن محمد الأزهر العريدي .. كتبها عندما ضاع طيره ( لاهوم ) والسبب في ضياعه إبنه راشد . .. أأمل أن تنال إعجابك .. وترقى لسمو اذواقكم ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله من عيني حريب لها النوم = وافرح ليا انباح الفجر من ظلامه
من شان اعدي في شفا كل مرجوم = واشوح بالملواح فوق العدامه
كوده يجيني عقب الاياس لاهوم = عوق الخصيم ليا انتقى بانعدامه
واطيري اللي ضيّعه راشد اليوم = فك السبوق وفك معه الحمامه
حر علم بالصيد من غير تعلوم = ابيض وفي طارف جناحيه شامه
الطير راح لماكره وابعد الحوم = هني مربوط فرح بالسلامه
يبا يشرف في شفا كل مزحوم = وإن حلقت بيض الثنادي غرامه
كنه ولد هندي ليا هد بالقوم = يضرب بحد السيف دوم الجهامه
مايقطع الأ روس نقالة الزوم = قطاع راس الشيخ راع العمامه
محلي سروج الخيل بالسيف صاروم = لاشبت الهيجاء تعرفه خصامه
شيخ ظهر صيته وراء الترك والروم = خيال نجد ايام ضيعة نظامه[/poem]

[روقي قرم]

صــح لسانك يابو وليد

وصح لسان ابو محمد مليون

شاعر جزل ومايجي منه غير الجزاله

والله يعوضه خيـر

اطيب التحايا..

[عــمـــر]

[align=center]صح لسانه

يعطيك الف عافيه

ومشكور ياغالي[/align]