اول مشاركه ورايكم مهم

[عبدالعزيزالسلمي]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اثر الهوى عذب قلـوب الرياجيـل=ونوخ اركاب اللي بدى واانتهابه
عز الله اني مانويت اسرج الخيـل=لكن في الخاطـر همـوم وكآبـه
ياليتني يوم ابرهه جاءعلى الفيـل=كنت العذاب اللي يجي من سحابـه
ولا يبو عسكور طيـر(ن) أبابيـل= اليـن يكـره ليلـه اللـي سرابـه
ولا مع احفاد الرجـال المشاكيـل=ولا صحيب(ن)للنبـي والصحابـه
أعيش في وقت العنـا والغرابيـل=واطيب رجل رجال كشخـه ثيابـه
الفقـر للـي للنشامـا مداهـيـل=ولا الغنا للـي محـد قـد هقاابـه
بالله ويـن مرتـل الذكـر ترتيـل=هذا زماان اهـل الغنـا واالصبابـه
وكالـه يقولـون والقـال والقيـل=غطت على قوم الكـرم والذرابـه
لكـن ياقلبـي عساهـا تساهيـل=مااعذبـك غيـر الهـوا والكتابـه
تسهر تسامر نجمة الليـل يسهيـل=مير الجدي يبغي في الأسهم نصابه
لكن ياراعـي الحكـي والأقاويـل=ياللي مع العربـان توخـذ نهاابـه
اليا حظرنا نرجح الـوزن والكيـل=واللـي نهجـده وآهجـاد وعذابـه
نسواننـا بهـن تزييـن المراييـل=واطفالنا ترضع كرم مـع مهابـه
ونقهوي الضيفـان بالبـن والهيـل=ونزبـن العانـي ونحمـي جنابـه
في فتح مكه الف فارس على الخيل=مع النبي نمشي ونهـج الصحابـه
هذا اختصار العلـم ولا التهاويـل=سحابه من المهد لأقصـى اللهابـه
هذا نتاج الراس مـدري البهاذيـل=ما هو كـلام مروجيـن العصابـه [/poem]واتمنى ان تنال كلماتي تلك اعجابكم .. فردودكم محل اهتمامي .. والنقد قبل المدح ...
ولكم تحياتي
أخوكم
عبدالعزيز السلمي