محاوره بين الشاعر سلطان الوسام وحبيب العازمي

[أبن وسام]

السلام عليكم ورحمة الله وبركاته






العازمي:

هلا يا مرحبا يالهاجري واطلع على المرقاب =ومد الشوف وأتشوف الجمال الحمر في الوادي
ولا تنشد ليا ضاعت جمال حمر عوج ارقاب =ترى مالك جمل غادي وأنا مالي جمل غـادي

بن وسام:

يدوم لك البقا والعلم بين الدقن والاشناب =لكن البس ولبسني ثياب بيـض وجـدادي
نجوم الليل لا حبيب حسبناها بدون حساب =وعدينا السنة بشهورها هجري وميـلادي

العازمي:

تبا تلبس ثياب العيد وأتكبرعلى المحراب =وأنا وياك فيما فات نحضر كـل الاعيـادي
دخلت القبة الخضرا ولا تقفل عليك الباب =وأنا أوحيت المنادي والمنادي دونه منادي

بن وسام:

تحياتي على الحضار وأشواقي على الغياب =مثل مستور ابن تركي وصياف ابن عـوادي
يا سواق السفينه سرها وأحذر على الركاب =ترى موج البحر لاهاج يغرق عفش الأجوادي

العازمي:

أبو زيد الهلالي يعلم أن الرمح رمح ذياب =ولا يقض الطلب هرجه على دلـه وبـرادي
سفينة نواح مأمونه من التفجير والإرهاب =ولو كان البحر موجه يدف السيف من غادي

بن وسام:

حقوق الطبع محفوظه عن الدجال والنصاب=وهداف البطوله ياخذ الخبـرة مـن النـادي
ألا ياللي بنيت البيت بالعمـدان والأطنـاب =ما يربطنا معك يا كود حق الملح والـزادي



العازمي:

أبو خدن من المكياج يوضي كنها المشهاب =يماري بالذلول اللي بليـا خـرج واشـدادي
وأنا واللّه ما حب الزخرفه والمظهر الكذاب =أجيب الرأي من رأسي وأشب النار بزنـادي

بن وسام:

عليه اللّه وأكبر بالعصا والرمح والمشعاب =ونار الحق مشبوبه ونـور الصبـح منقـادي
يقولون العرب ما تحمي الميسم بدون أسباب =وأنا ماني براعي صدفةٍ مـن دون ميعـادي

[الناااااقد]

كبار كبار مشكور

[الجآآرح]

مشكوووووووووووور

[ستار موون]

الله يطول بعمر ابو فيصل وسلطان

فعلا عمالقه

مشكور ابن وسام على المحاوره الحلوه

اختك .. ستار موون