ياذيب دور لجوعك رجم ولهمـي شعيـب....

[البارق]

ياذيب ياللي بالحنايـا لـك قنيـب
أتلفتنـي بعـواك يامـال التـلـف

دور لجوعك رجم ولهمـي شعيـب
ودور لعيني نـوم لوكانـه سلـف

من بارحة لأولى وأنا أودي وأجيب
طواري منها شعـر راسـي وقـف

تزاحم الضيقات بالصـدر الرحيـب
نفتح ملـف الهـم ونقفـل ملـف

يالله بجاهك من تريديـة النصيـب
وبحماك يالله من مقاشير الصـدف

نشيب ورموش الليالـي ماتشيـب
ونعف وصـدوف الليالـي ماتعـف

وكم خاب ظني وكنت أظنه مايخيب
وكم باروا الأصحاب فينـا للأسـف

وكم صالفت بقعا عساهـا للذهيـب
وفي عـز شدتهـا قلبناهـا تـرف

نقدم على رقـي المنابـر مانهيـب
إن جات وإلا ماعلى الدنيـا حسـف

نحيا حياة أحرار راضين النصيـب
ونمووووت ماتاطى لنا الدنيا طرف

ونقصر خطاوينا عن الدرب المعيب
وبالماقف اللي يبهج الخاطر نقـف

ونطيب لو عيـت ليالينـا تطيـب
فضل من اللي جمٌل الحـال ولطـف

غصب على الوجه الكريه المستريب
وغصب عن الرديان من شق وطرف

مساعد الرشيدي

[IMG]http://www.lovethesepics.com/wp-****************************/uploads/2012/02/Canis-lupus-Gray-wolf-laying.jpg[/IMG]

[همس النسيم]

ياذيب أتعبت شاعرك ياذيب
جميلة جدا صح لسان الشاعر
وصح نقلك يالبارق
ولا هنت

[البارق]

سلمت لمرورك همس

[اصايل]

صح لسان شاعرها

وصح ذوقك البارق

لاهنت

[ريم المقاطي]

سلمُ لنا هذُآ الذوُوُق ..الذُي يقطفُ لنا..
آجمًل الابيات وٌآروعهـــاآ..||
ماأننحرُم منُ ذآئقتُك الجميلهُ والمميزهُ..
لآحرمنـــآآك...
ودي

[الأدميرال]

من راوئع مساعد الرشيدي
يعطيك العافيه البارق ولاهنت