السلام عليكم ورحمة الله وبركاتة
محاوره بين شاعر نصراوي وشاعرهلالي
يقول الشاعر النصراوي المرحب بدنيلسون
يامرحبا حييت يابن البرازيل....ترحيبتن جزله ولاهي هزيله
يامرحباواشرب من البن والهيل.....وكيف دماغك لدروب الطويله
نبغا تشرفنا امام المهابيل....اهل الطواقي الزرق قوم الفشيله
اسحبهم ذوقهم المر والويل....وفهد المفرج لايردك عويله
اللي نداهم لابسات المراييل....الفرد منهم قام يومي شليله
يوم الخميس الوقت سبعه من الليل....دمعة بني الازرق تساقط هميله
ياليل الجمهور الازرق وياليل....ردد معي ياليل ليلي وليله
جاك الهجاد وراح وقت التهاليل....وباذن الله المعبود مالك حصيله
فالمنتدى والصحف والا فالايميل...فشيلتك ياهلال ياهي فشيله
خلوها,,,,,,, خلوها,,,,,,,خلوها,,,,,,
رد شاعر نادي الهلال..يقول.
اليوم رحب والليال المقابيل.... طالب بطرده ثم دور بديله
بكره تشوفه قدمنا كنه خبيل.... يرجع ورى ويقول وش هالقبيله
اللي ليا جونا تقل جاينا سيل.... سيلن مايرحم كل شي ٍ يشيله
وانته تقول اهل الزعامه هل الخيل....ذولاالهلال اهل الخيول الاصيله
تكفى دنيلسون ياحفيد البرازيل.... لاتخيب الهقوات عن الكحيله
ثم ٍ يقوم يشوش ويحط ويشيل.... ويقول وين الفيصلي وين خيله
انا ماجيت الا برد ثاركم ليل.... ليل ٍ عليه الفيصلي حل ويله
والا الهلال اليوم مالي بهم حيل.... فوز ٍ عليهم هقوتن مستحيله
انتم كديش وعاشقين الغرابيل....خمسة عشر عامن عليكم ثقيله
صال الهلال وجاب كل المحاصيل....وانتم على الونات في كل ليله
اقول يانصرن تردى فها الجيل.... مانتم بويا النصر رحتو بليله
دام الهلال يصول ويجول ويميل.... اسنينكم فالفقر ماهي قليله
ويالنصر والله لوتجيب البرازيل.... فوزك علينا هقوتن مستحيله
وسلامتكم
للأمـانــه مـــنــقــووول
| 
|
11-03-2006, 10:16 AM
محاوره بين شاعر نصراوي وشاعرهلالي ؟؟؟؟؟؟؟؟؟
المواضيع المتشابهه
العرض الشجري